Veriu i Kosovës nën kontrollin e të huajve? KFOR zbulon si qëndron e vërteta

“Mbajtja nën kontroll e veriut të Kosovës nga trupat e huaja, nuk është një objektiv që KFOR-i po e shqyrton aktualisht.”.

Kështu u shpreh zëdhënësi i organizatës, Koloneli Andrea Gallijeni gjatë një konference për mediat këtë të premte.

Ai deklaroi se për momentin është e nevojshme rritja e prezencës së KFOR-it në veri dhe shtoi se çdo gjë do të varet nëse situata do të përshkallëzohet edhe më tej.

“Jo. Nuk është objektivi ynë. Ne jemi për të rritur prezencën në veri, për shkak të këtij procesi dhe të kësaj krize. Por nuk është një objektiv për të qenë prezent në veri të Kosovës, më shumë se sa nevojitet. Jemi organizatë ushtarake e vendosur për të rritu sigurinë. Në këtë moment, po rrisim prezencën tonë, por varet nga situata e cila mund të përshkallëzohet dhe të arrijë në akte dhune. Në këtë moment, është e nevojshme rritja e prezencës në veri, por do të varet nga situata”, theksoi ai.