BREAKING NEWS

A do shkarkohet Ilir Meta? Pandeli Majko tregon dy arsyet pse mazhoranca është e lëkundur

A do shkarkohet Ilir Meta? Pandeli Majko tregon dy arsyet pse mazhoranca
x

Rajoni

Vetëvendosje akuzon Nismën për presion ndaj KQZ: Do ta mbrojë votën gjatë rinumërimit

Vetëvendosje akuzon Nismën për presion ndaj KQZ:  Do ta
Pas fillimit të procesit të rinumërimit të 1 mijë e 428 kutive të votimit, janë deklaruar edhe nga Lëvizja Vetëvendosje. Në VV kanë thënë se vëzhguesit dhe përfaqësuesit e tyre do ta mbrojnë votën edhe gjatë këtij procesi, derisa kanë akuzuar partinë e Fatmir Limajt për presion ndaj Komisionit Qendror Zgjedhor.
 
Përmes një postimi në Facebook, vendimet e fundit lidhur me zgjedhjet e 6 tetorit, i ka cilësuar politike. Në këtë parti deklarojnë se janë duke mbledhur fakte e prova të ndërhyrjes politike në marrjen e këtyre vendimeve dhe se zyrtarët e përfshirë do të përgjigjen para drejtësisë.
 
“Është evidente, që zyrtarë e gjyqtarë të institucioneve janë ndikuar politikisht në marrjen e vendimeve të fundit, me synim ndryshimin në rezultatin e zgjedhjeve të 6 tetorit. Lëvizja VETËVENDOSJE! është duke mbledhur fakte e prova të ndërhyrjes politike në marrjen e këtyre vendimeve dhe ne do të sigurohemi që të gjithë këta zyrtarë të përfshirë në këto ndërhyrje për vendime që do të duhej të ishin të bazuara në ligj e Kushtetutë, do të përgjigjen para drejtësisë”, thuhet në komunikatë.
 
Ndryshe, dje Gjykata Supreme ka refuzuar të gjitha ankesat, përfshirë këtu të Lëvizjes Vetëvendosje, LDK-së, KDTP-së, PLE-së, PDA-së e PDS-së në PZAP, i cili urdhëronte Komisionin Qendror Zgjedhor heqjen nga rezultati përfundimtar të votave të ardhura nga Serbia.
 
Kësisoj, Nisma Socialdemokrate pritet të bëhet pjesë e Kuvendit të Kosovës.
 
Në Qendrën e Numërimit dhe Rezultateve veçse ka nisur zbatimi i vendimit të Panelit Zgjedhor për Ankesa dhe Parashtresa për rinumërimin e mbi 1400 vendvotimeve.
 
Pritet që rinumërimi e certifikimi i rezultateve të zgjedhjeve të 6 tetorit do zgjasë deri në fillim të dhjetorit, pasi rinumërimi pritet të zgjasë rreth 3 javë.