Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Vetëvendosje akuzon Nismën për presion ndaj KQZ: Do ta mbrojmë votën gjatë rinumërimit

Postuar: 16/11/2019 - 07:35

Lëvizja Vetëvendosje ka akuzuar dje partinë e Fatmir Limajt, Nisma se po përdor presion ndaj KQZ për të hyrë në Kuvendin e Kosovës dhe se do të denoncojnë ndërhyrjet dhe zyrtarët e përfshirë në to. Pas fillimit të procesit të rinumërimit të 1 mijë e 428 kutive të votimit, Vetëvendosje tha se vëzhguesit dhe përfaqësuesit e tyre do ta mbrojnë votën edhe gjatë këtij procesi. Vendimi i Gjykatës Supreme për mosllogaritjen e votave nga Serbia, i ka dhënë Nisma-s gjashtë ulëse në Kuvendin e Kosovës, ndërsa Vetëvendosje ka humbur tre deputetë. “Është evidente, që zyrtarë e gjyqtarë të institucioneve janë ndikuar politikisht në marrjen e vendimeve të fundit, me synim ndryshimin në rezultatin e zgjedhjeve të 6 tetorit. Lëvizja Vetëvendosje është duke mbledhur fakte e prova të ndërhyrjes politike në marrjen e këtyre vendimeve dhe ne do të sigurohemi që të gjithë këta zyrtarë të përfshirë në këto ndërhyrje për vendime që do të duhej të ishin të bazuara në ligj e Kushtetutë, do të përgjigjen para drejtësisë”, thuhet në komunikatën e Vetëvendosje. Në njoftim thuhet se presionet nga subjekte partiake që qytetarët i kanë lënë jashtë përfaqësimit në Kuvend, në një kohë kur po rinumërohen mbi gjysma e votave të përgjithshme, kanë për synim ndikim dhe krijimin e faktit të kryer të përfaqësimit në Kuvend.

NISMA: Komunikata e VV është kërcënim

Skender Reçica, anëtari i kryesisë së partisë Nismës, e quajti dje kërcënim të drejtpërdrejtë ndaj institucioneve të drejtësisë komunikatën e Lëvizjes Vetëvendosje. Ai dënoi veprimet e VV duke thënë se nuk kanë lidhje me demokracinë dhe kushtetutshmërinë. “Komunikata e LVV është kërcënim i drejtpërdrejtë ndaj institucioneve të drejtësisë. Thuhet se sulmi është mbrojtja më e mirë. Atë po e bënë edhe VV. Lëvizja Vetëvendosje me këtë deklaratë drejtpërdrejtë kërcënon gjyqtarët dhe tregon se ata nuk e dinë çka është shteti dhe drejtësia. Veprimet e saj nuk kanë lidhje me demokracinë, ligjin dhe kushtetutshmërinë. Ata mendojnë se shteti është parti apo partia është shteti! Çfarë shprese për ndryshim është kjo, kur ende pa marrë drejtimin e shtetit, frikëson e kërcënon shtetin ligjor. Ajo nuk po tregon se si ndërtohet shteti i së drejtës, por si kapet shteti dhe institucionet e pavarura të tij. Pikërisht, Vetëvendosje është partia e fundit në Kosovë që mund të flasë për pastërti elektorale, veçanërisht pas tentimit të turpshëm për të kontrabanduar pakot nga Serbia dhe për të grabitur mandate”, tha në prononcimin e tij Reçica.

Refuzimi i ankesave

Një ditë më parë Gjykata Supreme e Kosovës ka refuzuar të gjitha ankesat, përfshirë këtu të Lëvizjes Vetëvendosje, LDK, KDTP, PLE, PDA e PDS duke urdhëruar Komisionin Qendror Zgjedhor të mos llogarisë në rezultatin përfundimtar të votave të ardhura nga Serbia. Kësisoj Nisma Socialdemokrate u bë pjesë e Kuvendit të Kosovës. Në Qendrën e Numërimit dhe Rezultateve veçse ka nisur gjithashtu zbatimi i vendimit të Panelit Zgjedhor për Ankesa dhe Parashtresa për rinumërimin e mbi 1400 vendvotimeve. Pritet që rinumërimi e certifikimi i rezultateve të zgjedhjeve të 6 tetorit do zgjasë deri në fillim të dhjetorit, pasi rinumërimi pritet të zgjasë rreth 3 javë. Kandidatja për deputete nga radhët e VV-së, Fatmire Mulhaxha – Kollçaku, ka deklaruar dje se nëse është nevoja, vendi do të shkojë prapë në zgjedhje. Ajo ka akuzuar në veçanti partinë Nisma për pazare politike duke thënë se me të nuk ka çkapje të shtetit. “Jo për inat, por për parim! Nuk ka çkapje të shtetit me ju brenda. Nëse është nevoja, prapë do të shkojmë në zgjedhje”, ka shkruar Mulhaxha – Kollçaku pas përplasjeve publike të Lëvizjes Vetëvendosje dhe Nismës, pas hyrjes së kësaj të fundit në Kuvend.

Andi Lamko

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 08/12/2019 - 10:45

Ambasada e Shteteve të Bashkuara të Amerikës në Prishtinë ka reaguar pas deklaratave të Presidentit të Serbisë, Aleksandar Vuçiç, i cili e quajti masakrën e Reçakut si një histori të trilluar nga ish-Ambasadori i OSBE

Postuar: 08/12/2019 - 08:18

Udhëheqësit e Kosovës kanë reaguar dje njëzëri duke dënuar mohimet e krimeve të luftës nga Beogra

Postuar: 07/12/2019 - 20:39

Presidenti i Serbisë, Aleksandër Vuçiç, inspektoi të premten pranimin e helikopterëve të rinj t

Postuar: 07/12/2019 - 19:01

SHBA ka reaguar ndaj deklaratave të ish ministrit të Millosheviç, tashmw president i Serbisë, A

Postuar: 07/12/2019 - 17:19

Ministri në detyrë i Punëve të Jashtme i Kosovës, Behgjet Pacolli sot ka bërë me dije  me an

Postuar: 07/12/2019 - 16:25

Pasditen e sotme një tërmet me magnitudë 4.5 të shkallës Rihter, ka goditur Greqinë.Tërmeti &nbsp

Postuar: 07/12/2019 - 15:14

Nënkryetarja e Lidhjes Demokratike, Vjosa Osmani, ka pohuar se dikush nga jashtë partisë, është