Viktima më e re e pandemisë në këtë vend/ Koronavirusi i merr jetën 25-vjeçarit në Greqi, mediat zbardhin detajet: Nuk vuante nga asgjë!

Një lajm i hidhur vjen nga shteti fqinj me ne, Greqia. Mediat raportojnë se ka humbur jetën nga koronavirusi mëngjesin e sotëm një 25-vjeçar nga Serresi në Greqi, duke u bërë kështu viktima më e re e pandemisë në këtë vend.

Theodore Pavlidis, ndërroi jetë pas komplikacioneve të shkaktuara nga koronavirusi edhe pse nuk kishte sëmundje të tjera shoqëruese dhe mediat greke raportojnë se ishte mjaft i shëndetshëm

Greqia është duke u përballur me një valë të dytë të egër të pandemisë, e cila ka vendosur në vështirësi të madhe spitalet e vendit.

Raportohet se në repartin e shërbimit intensiv të spitalit qendror të Selanikut është vetëm një vend i lirë.