Vuçiç “i frikësuar” nga SHBA: Po krijon një bllok të ri në Evropë, do të prekë edhe Serbinë

Presidenti serb Aleksandër Vuçiç nuk humbet asnjë rast për të lavdëruar dhe mbrojtur presidentin e Rusisë, Vladimir Putin. Në një intervistë dhënë së fundmi për mediat serbe, Vuçiç e konsideroi urdhër-arrestin nga Gjykata Ndërkombëtare Penale, si një vendim të keq “politik” për ata që e morën dhe që mendojnë se janë afër fitores. “Kjo çon vetëm në përshkallëzim të mëtejshëm. Sot ose nesër, kur të uleni për të biseduar, do të duhet të flisni me Putinin. A mendoni si do të flisni me të? Si do të bëni një marrëveshje? Pse e keni kufizuar veten?”, theksoi ai, ndërsa shtoi se “të gjithë janë shumë larg fitores”. Sipas tij Ukraina nuk është në avantazh për të fituar në luftën kundër Rusisë, për shkak të mobilizimit të dobët ushtarak. Ai gjithashtu është shprehur se SHBA po krijon një bllok brenda Evropës, ndërsa thekson se do të prekë ndjeshëm edhe Serbinë. "Ukraina nuk do të fitojë lehtë në kuptimin ushtarak, është pothuajse e pamundur, pres që të fitojë një vrull të madh në rrugën evropiane. Vijon fillimi urgjent i negociatave europiane sepse amerikanët po krijojnë një bllok brenda Europës, po krijojnë një bllok të veçantë që nuk është i vogël, Polonia, vendet baltike plus Ukraina, ato pesë vende", tha Vuçiç. Siç tha ai, Amerika do të jetë dominuese dhe do të ketë të njëjtat marrëdhënie mes Evropës dhe SHBA-së ndaj Kinës. "Është interesante se çfarë ndodhi në seancën e Komisionit të Evropës, një ndryshim i rëndësishëm ndaj Kinës. Për herë të parë, Ursula Von der Leyen tha: Një rival strategjik. Amerika do të jetë dominuese në Evropë. Ajo e sheh Kinën si një kundërshtar strategjik. Kjo është arsyeja pse vizita e Von der Leyen dhe Macron në Kinë do të jetë interesante", tha Vuçiç.