Vuçiç: Pozicioni politik i Serbisë nuk ka qenë kurrë më i rëndë, u komplikua edhe më shumë nga deklaratat e Putinit, ja çfarë na pret në 13 maj

Presidenti i Serbisë, Aleksandër Vuçiç, është shprehur ditën e djeshme se pozita politike e Serbisë nuk është e rëndë dhe është “komplikuar” më shumë edhe nga deklaratat e presidentit rus Vladimir Putin. Pas një takimi me Ministren e Jashtme gjermane Annalen Baerbock në Berlin, Vuçiç tha se situata në të cilën ndodhet Serbia duke pasur parasysh krizën në Ukrainë ishte "pothuajse e pamundur". “Në ditën e tretë të sulmit në Ukrainë, ne shpallëm pikëpamjet tona strategjike. Serbia është në të njëjtin pozicion për 71 ditë. “Nuk e kam fshehur qëndrimin tonë as gjatë bisedës me kancelarin Scholz”, tha Vuçiç në një fjalim për shtypin. Ai përsëriti se Serbia është në rrugën evropiane, se nuk do të "kthehet askund tjetër" dhe se mbetet ushtarakisht neutrale. Vuçiç shtoi se bisedimet që ka pasur me zyrtarët gjermanë nuk kanë qenë të lehta. “Gjermania është shteti më i fortë evropian në çdo kuptim, ne nuk mund të zgjedhim dhe të ndryshojmë qëndrimin e tyre për çështjen e Kosovës sepse kjo nuk do të ndodhë. “Jam i kënaqur me interesimin e madh të zyrtarëve gjermanë për bisedimet dhe nesër do të flas pse do të ketë interesim edhe më të madh nga të gjithë në Beograd dhe Serbi”, tha Vuçiç. Ai po ashtu ka thënë se biseda me kryeministrin e Kosovës, Albin Kurti, në Berlin ka qenë “shumë e vështirë” dhe ka paralajmëruar se dialogu teknik ndërmjet Serbisë dhe Kosovës do të vazhdojë më 13 maj në Bruksel. “Petar Petkovi? do të shkojë në Bruksel më 13 maj për të provuar të bien dakord për diçka. “Disa refuzojnë të flasin fare për Bashkimin e Komunave Serbe, por për mua është e rëndësishme që përfaqësuesit gjermanë kanë thënë se ajo që është nënshkruar duhet të zbatohet”, tha presidenti i Serbisë.