Vuçiç: Serbia nuk do mbyll gojë për anëtarësimin e Kosovës në OKB! Lajçak ia pret i vendosur: Nuk ka marrëveshje pa...

Miroslav Lajçak vijon ditën e sotme për të katërtën ditë takime intensive në Beograd për marrëveshjet mes Serbisë dhe Kosovës.

Zyrtari i Bashkimit Europian, ka zhvilluar takim ditën e djeshme me kryeministrin Vuçiç ku kanë mbajtur bisedime për hedhjen e hapave konkretë të takimin e radhës që pritet të zhvillohet me 18 mars në Ohër.

Në këtë takim fokusi ishte rruga drejt marrëveshjes dhe normalizimit të  marrëdhënieve mes Kosovës e Serbisë.

Para tri ditëve Lajçak zhvilloi bisedime me krerët më të lartë të vendit, ato opozitat dhe të mazhorancës si dhe prezenca e presidentes Vjosa Osmani.

Ai e sheh optimiste situatën nga pala kosovare pasi e përkrah dokumentin me 11 pika të propozuara nga BE dhe SHBA.

Ndërsa presidenti serb, Vuçiç ka thënë për mediat në Beograd, se Serbia nuk do të pajtohet e as nuk do të qëndrojë e heshtur lidhur me anëtarësimin eventual të Kosovës në Kombet e Bashkuara si dhe nuk do ta njohë pavarësinë e Kosovës.