Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

VV: Vendi duhet të shkojë në zgjedhje, qeveria të japë dorëheqje

VV: Vendi duhet të shkojë në zgjedhje, qeveria të japë dorëheqje

Postuar: 13/03/2018 - 16:05

Lëvizja Vetëvendosje ka thënë se Qeveria Haradinaj duhet të bjerë formalisht, pasi sipas tyre kjo qeveri ka rënë si moralisht edhe me numra.
 
Vetëvendosje përmes një njoftimi për media, ka theksuar se Kuvendi i Kosovës tash e sa kohë është bllokuar nga deputetët e koalicionit qeverisës që nuk e lejojnë vendimmarrjen dhe zhvillimin normal të punimeve të Kuvendit.
 
“Bllokimi i seancës së sotme të Kuvendit nuk ishte rasti i parë, por një praktikë e përsëritur rëndomtë që prej fillimit të vitit 2018. Deputetët e koalicionit qeverisës bëjnë numra akrobatikë në Kuvend gjatë votimeve për të prishur kuorumin, sepse koalicioni qeveritar thjesht nuk i ka numrat e votave në Kuvend për ta mbajtur veten në pushtet”, thuhet në njoftimin e VV-së.
 
VV ka theksuar se ky koalicion ka rënë tashmë edhe moralisht edhe me numra në Kuvend dhe mbahet në pushtet me zor dhe padrejtësisht.
“Vendi duhet të shkojë në zgjedhje të parakohshme. Çdo vonesë në këtë drejtim e rëndon gjendjen politike, ekonomike dhe sociale të vendit. Demokracia është zgjidhja. Qeveria duhet ta japë dorëheqjen!”, thuhet në njoftim.
Njoftimi i plotë i VV-së:
Qeveria ka rënë edhe moralisht edhe me numra – tash duhet të bjerë edhe formalisht
Kuvendi i Republikës së Kosovës, institucioni më i lartë dhe i rëndësishëm i Republikës tonë parlamentare, tash e sa kohë është bllokuar nga deputetët e koalicionit qeverisës që nuk e lejojnë vendimmarrjen dhe zhvillimin normal të punimeve të Kuvendit.
Bllokimi i seancës së sotme të Kuvendit nuk ishte rasti i parë, por një praktikë e përsëritur rëndomtë që prej fillimit të vitit 2018. Debati për seancën e mbajtur sot në lidhje me interpelancën kundër rritjes së jashtëligjshme të pagave të qeverisë dhe për nevojën për rritjen e pagës minimale, është shtyrë tri herë. Sakaq, votimi për rezolutën e propozuar për këtë interpelancë është shtyrë dy herë. Siç ka ndodhur edhe herë të tjera, edhe për çështje të tjera, deputetët e koalicionit qeverisës marrin pjesë në fillim të seancave të Kuvendit por pastaj nuk votojnë dhe kështu pamundësojnë kuorumin në votim dhe bllokojnë punimet. Në fillim të seancës së sotme kishte kuorum, por më tej punimet u ndalën sepse votimi nuk përmbushi kuorumin edhe pse mori shumicën e votave të atyre deputetëve të opozitës që votuan. Deputetët e koalicionit qeverisës bëjnë numra akrobatikë në Kuvend gjatë votimeve për të prishur kuorumin, sepse koalicioni qeveritar thjesht nuk i ka numrat e votave në Kuvend për ta mbajtur veten në pushtet.
 

/Agjensia e Lajmeve Sot News/

Na Beni Like Ne Facebook: 
Total votes: 19

Lajme nga e njejta kategori

Postuar: 18/06/2018 - 16:29

Ministri i Jashtëm grek, Nikos Kotzias vazhdon që në paraqitjet e tij publike Maqedonine ta quajë sipas emrit të marrëveshjes, Maqedonia e Veriut edhe pse marrëveshja nuk ka hyrë në fuqi zyrtarisht.

Guterres: Zaev dhe Tsipras kanë nënshkruar marrëveshje historike

Postuar: 18/06/2018 - 15:40

Sekretari i përgjithshëm i OKB-së, Antonio Guterres, përmes rrjetit social Twitter ka përshënde
Kocijançiç: Maqedonia do të vazhdojë të quhet IRJM deri në kompletimin e marrëveshjes

Postuar: 18/06/2018 - 15:39

Bashkimi Evropian do të vazhdojë ta quajë Maqedoninë me emrin e përkohshëm (Ish-Republika Jugos
Greqi, arrestohet ish-deputeti i Agimit të Artë

Postuar: 18/06/2018 - 15:38

Arrestohet ish deputeti i Agimit te Arte në Greqi, Konstantinos Barbarousis.
Shkup, qeveria miraton ratifikimin e marrëveshjes për emrin

Postuar: 18/06/2018 - 15:36

Qeveria e Maqedonisë ka ratifikuar ne unanimitet marrëveshjen e arritur dje në Prespë, midis qe

Postuar: 18/06/2018 - 14:38

Gjatë natës rreth orët 23:00, i është vënë zjarri makinës së deputetit maqedonas të LSDM-së, Hari

Postuar: 18/06/2018 - 08:54

Shtatë pjesëtarë të policisë janë lënduar në protestën e dhunshme që u mbajt mbrëmë para Kuvendit