Video/ Momenti kur serbët ankohen te sigurimi për qeleshet me shqiponjë në shkallët e stadiumit

Edhe pse nuk u lejuan të fusin flamujt shqiptar në stadium, tifozët kishin zgjedhur një mënyrë origjinale për të treguar se vijnë nga trojet shqiptare.

Ata kanë mbajtur në kokë qeleshe me shqiponjë të stampuar.

Sfida Serbi-Zvicër u mbyll me fitoren e “helvetëve” të cilët me ndihmën edhe të një goli të Xherdan Shaqirit eliminuan Serbinë nga Kupa e Botës në Katar.

Në këtë sfidë i pamë të gjitha, emocione, gola por edhe momente tensioni. “Sherret” nuk ishin vetëm ën fushë, por edhe në shkallët e stadiumit mes tifozëve.

Në mediat dhe rrjetet sociale po qarkullon një video ku një grup tifozësh serbë flasin me rojet dhe më pas disa prej tyre shoqërojnë tifozin shqiptar. E gjitha se pse këta tifozë po mbajnë simbole të shqiponjës në qeleshe.