Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Çaji magjepsës, sjell lumturi për shpirtin e mendjen

Postuar: 13/03/2018 - 14:18

Është koha perfekte për ta shijuar. Një çaj fantastik me aromë ndjellëse për shijen, humorin e mirë e mbi të gjitha energjinë pozitive që çliron në të gjithë trupin, mendjen dhe shpirtin. Me përbërës që gjenden lehtë në kuzhinë, me erëza fantastike dhe një kombinim perfekt i disa prej produkteve të mrekullueshme të natyrës. Një filxhan çaj magjepsës që qetëson të gjithë muskujt, shtendos nervat dhe sjell qetësinë në mendje e shpirt. Është pikërisht magjik nga kombinimi perfekt i erëzave më të mira në shije dhe aromë, si xhenxhefili, kanella dhe karafili, të përzjera me shijen unike të kakaos e qumështit dhe ëmbëlsuar me mjaltë.

Ideal për t’u përgatitur gjatë mbrëmjeve për një gjumë të qetë dhe relaksues gjatë natës.  Por sigurisht, ky çaj mund të përgatitet dhe konsumohet në çdo kohë të ditës, madje edhe për mëngjes. Shoqërohet në mënyrë fantastike me biskota të ndryshme por edhe ëmbëlsira të lehta gjithashtu. AgroWeb.org u sugjeron më poshtë përgatitjen e këtij çaji unik krejt lehtë në shtëpi.

Çaji i Lumturisë Krejt Lehtë në Shtëpi 
Përbërësit

(Përbërësit më poshtë janë për dy filxhanë çaji)

1 gotë e gjysmë qumësht

Gjysmë gote ujë

3 lugë të vogla kakao

Një degë çaj mali

4 feta të holla xhenxhefil

5 karafila

Pak kanellë

2-3 lugë të vogla sheqer ose mjaltë

Përgatitja e Çajit  
Në një tenxhere të vogël ngrohni qumështin dhe ujin në nxehtësi të ulët derisa të ngrohet. Bëni kujdes që të mos e ngrohni në nxehtësi të lartë. Sapo të ngrohet shtoni pluhurin e kakaos derisa të tretet tërësisht.

Më pas shtoni, çajin e malit, xhenxhefilin, karafilat, kanellën dhe lërini të marrin një valë për maksimumi 10 minuta. Largojeni nga zjarri dhe shtoni dy lugë sheqeri ose mjaltë sipas preferencës. Nëse preferoni edhe më shumë aromë ndjellëse mund të shtoni edhe pak vanilje. Çajin e përgatitur hidheni në filxhan dhe pijeni ngadalë sa është i ngrohtë.

/Agjensia e Lajmeve Sot News/

Na Beni Like Ne Facebook: 
Total votes: 30

Lajme nga e njejta kategori

Postuar: 08/12/2018 - 22:41

Çokollata është ndër produktet që konsumohet më shumë në botë. Pa dallim moshe kjo është ëmbëlsira më e pëlqyer nga të gjithë.
 

Postuar: 08/12/2018 - 22:14

Përgjatë viteve të fundit është rritur shumë numri i personave të cilët janë prekur nga kanceri

Postuar: 08/12/2018 - 21:25

Lëngu i karrotes është një zgjedhje shumë e mirë për ata që duan të bien në peshë, veç kësaj ai ë

Postuar: 08/12/2018 - 19:54

Debati nëse gjuhët e huaja kthjellojnë apo lodhin së koti trurin e njeriut ka vënë përballë lin

Postuar: 08/12/2018 - 17:57

Sipas udhëzimeve më të fundit dietike, rekomandohet që një person duhet të hajë 2,300 miligramë

Postuar: 08/12/2018 - 10:48

Vetitë kuruese të lules së basanit, një bimë barishtore që në gjendje natyrale rritet kudo, janë

Postuar: 07/12/2018 - 23:36

Është një nektar shumë i përdorur në kuzhinë, i pasur me cilësi terapeutike dhe shumë përfitime