Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Studimet: Kafja të zgjat jetën

Postuar: 12/07/2017 - 09:34

Me sa duket jo vetëm molla edhe një kafe në ditë, mban doktorin larg. Për të gjithë ata që ‘vdesin’ për kafe vjen lajmi i mirë. Pija e zezë të zgjat jetën.

 

Sipas dy studimeve të publikuara në revistën “Annals of Internal Medicine”, kush konsumon një filxhan kafe 235 ml në ditë ka një rrezik më të ulët me 12% për vdekje nga të gjitha shkaqet (shqetësime kardiake, kancer, iktus, diabet, probleme të frymëmarrjes dhe të veshkave).

 

Për ata që konsumojnë tre ose më shumë filxhanë, vdekshmëria është më e ulët me 18% krahasuar me ata që nuk e pinë, raporton TgCom.

Studimi i parë është drejtuar nga Marc Gunter, epidemiolog i IARC- International Agency for Research on Cancer (Agjencia Ndërkombëtare për kërkimet mbi kancerin) dhe ka marrë në analizë konsumimin e kafes nga rreth 520 mijë subjekte që vinin nga 10 vende të Europës: i ka monitoruar për 16 vjet dhe ka analizuar vdekjet dhe shkaqet e vdekjes.

 

Studimi i dytë është drejtuar nga Veronica W. Setiavan nga Universiteti i Kalifornisë Jugore, duke përfshirë 185 mijë individë afroamerikanë, aziatik-amerikan, latino-amerikan dhe kaukazianë. Pavarësisht se mostrat referente ishin heterogjene, rezultatet ishin mjaft të ngjashme me studimin e Gunter.

 

Kafeja duket se ka efekte pozitive e të dobishme në mëlçi, në sistemin e tretjes dhe në përgjithësi nga pak në të gjithë organizmin. Merita për këto përfitime nuk është kafeina, por substanca të tjera të pranishme në pijen e errët. Kafeja përmban disa elemente, të tilla si polyphenols, acidet Chlorogenic dhe substanca të tjera të pasura me antioksidantë./ BW

/Agjensia e Lajmeve Sot News/

Na Beni Like Ne Facebook: 
Total votes: 35

Lajme nga e njejta kategori

Postuar: 20/02/2018 - 22:38

Shumë njerëz mund të konsumojnë ushqimin që ka mbetur nga dreka ose darka për herë të dytë apo të tretë. 

Disa ushqime mund të konsumohen pas ringrohjes së tyre, por disa të tjera mund të rezultojnë të dëmshme për organizmin. J

Postuar: 20/02/2018 - 21:59

Edhe pse ju dukeni krejtësisht mirë dhe shëndetshëm, nuk do të thotë që çdo gjë është në rregull.

Postuar: 20/02/2018 - 21:29

Kafja dhe cigarja në mëngjes janë padyshim një nga kombinimet e preferuara të duhanpirësve.

Postuar: 20/02/2018 - 14:32

Kolesteroli i lartë

Postuar: 20/02/2018 - 10:05

Gjëndra e tiroides dihet tashmë që është shumë e rëndësishme të qëndrojë në parametra ideal sepse ndikon në shëndetin e përgjithshëm të trupit.

Postuar: 19/02/2018 - 22:11

Një pije e ngrohtë dhe e shëndetshme që mund ta përgatisni në çdo moment.

Postuar: 19/02/2018 - 07:49

Kur bëhet fjalë për kocka të forta, ka dy lloje lëndësh ushqyese të rëndësishme: kalciumi dhe vitamina D.