BREAKING NEWS

Përfundon takimi 1 orësh ‘kokë më kokë’ i Lulzim Bashës me ambasadorët e SHBA, BE dhe Britanisë

Përfundon takimi 1 orësh ‘kokë më kokë’ i
x

Shëndeti

Del studimi i ri për efektin e një medikamenti mbi koronavirusin, antiparazitari e vret për 48 orë në laborator

Del studimi i ri për efektin e një medikamenti mbi koronavirusin,

Një studim australian, i botuar në “Antiviral Research”, tregon se ivermectin, një ilaç antiparazitik tashmë i disponueshëm, është efektiv në laborator kundër koronavirusit Sars-CoV-2. Sipas shkencëtarëve nga Instituti për Zbulimin e Biomjekësisë së Universitetit Monash (Bdi) dhe Instituti i Peter Doherty i Infeksionit dhe Imunitetit, një dozë e vetme e ilaçit do të jetë në gjendje të bllokojë rritjen e patogjenit në kulturë, duke eliminuar të gjithë materialin gjenetik viral në një hark kohor prej 48 orësh.

Fazat pasuese të hulumtimit, shpjegojnë autorët, do të duhet të përcaktojnë dozën e saktë që mund të përdoret në mënyrë të sigurt te njerëzit. Prandaj do të na duhen teste të mëtejshme paraklinike dhe studime klinike për të cilat do të nevojiten fonde.

Ivermectin është një ilaç antiparazitik i aprovuar nga FDA-ja amerikane, që është treguar të jetë efektiv in vitro kundër një game të gjerë virozash përfshirë HIV, gripi dhe Zika. "Ne zbuluam se edhe një dozë e vetme mund të kishte potencialin për të hequr të gjithë ARN-në virale në 48 orë dhe se edhe në 24 orë pati një ulje vërtet të rëndësishme", tha Kylie Ëagstaff, drejtuese e studimit.

"Ivermectin është përdorur gjerësisht dhe konsiderohet një ilaç i sigurt. Tani duhet të kuptojmë nëse doza që mund të përdoret te njerëzit do të jetë efektive. Ky është hapi tjetër. Por, në kohën e një pandemie, të pasurit një kompleks tashmë të disponueshëm në të gjithë botën mund të ndihmonte njerëzit së pari, duke pasur parasysh që një vaksinë do të zgjasë realisht ca kohë”.