Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

A e mbron shëndetin mendor konsumimi i kërpudhave? Zbuloni çfarë thonë ekspertët

Postuar: 18/03/2019 - 18:24

Kërpudhat janë një ingredient shumë i dashur dhe i pëlqyer në kuzhinat në të gjithë botën. Ato janë ushqyese dhe veçanërisht të pasura në antioksidantë, të cilat mbrojnë shëndetin e qelizave. Efektet e tyre janë të shumta dhe kërkuesit tani po ngrenë pyetjen nëse kërpudhat mund të mbrojnë ndaj dobësimit të trurit.

Kërpudhat janë interesante. Ndonëse disa lloje të tyre janë të ngrënshme dhe dyqanet e fruta-perimeve i shesin ato në raftin e perimeve, ato nuk janë në të vërtetë perime. Ato hyjnë në fakt tek organizmat eukariote të quajtura “fungi”, një mbretëri e këtyre llojeve, e ngjashme me atë të bimëve dhe kafshëve në të njëjtën kohë, në klasifikimet biologjike.
 
Kërpudhat e ngrënshme, si të kultivuara nga dora e njeriut ashtu edhe llojet e egra, përmbajnë një sasi të lartë të fibrave ushqyese, antioksidantëve dhe proteinave, sikurse dhe vitaminave dhe mineraleve.
 
Një hulumtim i ri i “National University of Singapore (NUS)” ka zbuluar se njerëzit që i integrojnë kërpudhat në dietat e tyre – edhe nëse i konsumojnë vetëm në porcione të vogla – duket se kanë një rrezik më të ulët të MCI-së, që është një problem apo sëmundje që lidhet me fuqinë dhe aftësinë njohëse të trurit, i cili shpesh i paraprin sëmundjes së Alzheimerit.
 
Nëse është me MCI, një person mund të përjetojë disa simptoma karakteristike të sëmundjes Alzheimer – të tilla si kujtesa e dobët dhe probleme me gjuhën dhe orientimin hapësinor – por në një mënyrë shumë delikate që nuk i pengon ata të vazhdojnë të udhëheqin një jetë plotësisht funksionale. Hulumtuesit në Universitetin Kombëtar të Singaporit hodhën hipotezën se ngrënia e kërpudhave mund të ndihmojë në ruajtjen e funksionit njohës dhe të ndërgjegjjes deri në moshë të vonë madhore.
 
Kështu, ata kryen një studim të ri për të parë nëse ata mund të gjenin ndonjë provë në këtë drejtim. Gjetjet e tyre – të cilat tashmë janë publikuar në “Revistën e Sëmundjes së Alzheimer” – sugjerojnë se kërpudhat e zakonshme që përdoren, si p.sh. në kuzhinën e Singaporit, mund të ndihmojnë në uljen e rrezikut të MCI.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 20/04/2019 - 12:36

Sipas një studimi, edhe ngrënia e sasive të vogla të mishit të kuq dhe mishit të përpunuar, siç është mishi i derrit, mund ta rrisë rrezikun e kancerit në zorrën e trashë.

Postuar: 19/04/2019 - 20:15

Shkencëtarët janë një hap më afër për të zbuluar se çfarë po shkakton një sëmundje misterioze si

Postuar: 19/04/2019 - 13:26

Uji me limon është një nga mënyrat më të mira për të hidratuar organizmin dhe ofruar atij një doz

Postuar: 19/04/2019 - 13:18

Mendoni që llaku i flokëve shërben vetëm për të kontrolluar flokët e padisiplinuar epo e keni gab

Postuar: 19/04/2019 - 11:39

Humbja e peshës është një nga objektivat kryesore të shumë njerëzve, si nga pikëpamja estetike dh

Postuar: 19/04/2019 - 09:48

Një marrëdhënie midis një mashkulli dhe një femre kërkon përkushtim dhe kjo do të thotë që me koh

Postuar: 19/04/2019 - 08:45

Veshkat kanë përgjegjësi të madhe në organizëm.