BREAKING NEWS

Gazetari plas akuzën “bombë” për Spartak Ngjelën ‘live’ në studio, Klodiana Lala i kthehet ashpër avokatit: Tërhiq fyerjen, do hetohesh për dosjen e bujshme

x

Shëndeti

Flasin mjekët: Këto janë ushqimet e duhura që luftojnë gripin gjatë dimrit

Tani jemi në mes të dimrit dhe përtej entuziazmit të ardhjes së festave, dëborës së parë apo gjetheve që bien, dimri ka një anë tjetër më pak të këndshme.

Dihet që stina e ftohtë është mbartësja e shumë sëmundjeve dhe viruseve të cilat prekin sistemin imunitar. Gripi përhapet menjëherë dhe mund të kthehet në pengesë në jetën e përditshme për ditë me radhë.

Askush nuk i pëlqen ditët me temperaturë, të përziera, rrufë apo marramendje, por mjafton pak kujdes dhe zgjedhjet e duhura në mënyrë që të mbani çdo sëmundje larg.

Do t’ju duhet vetëm të konsumoni ushqimet e duhura dhe trupi juaj do të jetë në gjendje të luftojë i vetëm ndaj baktereve dhe viruseve të këqija. Merrni masat menjëherë duke ndjekur këshillat e shëndetshme.

Dieta antinflamatore

Si zgjidhjen e parë të largimit të simptomave  të gripit shumë njerëz shohin medikamentet.

Ndonëse janë shumë efikase kur rekomandohen nga mjeku, për të mbajtur sëmundje të lehta larg mund të merrni edhe vetë masat e duhura.

Disa ushqime në veçanti njihen si antinflamatore dhe bëni mirë që t’i bëni menjëherë pjesë të dietës tuaj të përditshme

Këtu futen kryesisht të gjitha ushqimet e dietës Mesdhetare të cilat me siguri i keni në shtëpi.

Konsumoni shumë domate, arrorë, vaj ulliri, perime me gjethe jeshile si spinaqi, sallata apo lakrat, sardele, salmon, portokalle, mandarina dhe boronica.

Si ndihmojnë këto ushqime

Duke qenë shumë të pasura me antioksidantë të gjitha këto ushqime kanë veti mbrojtëse dhe rigjeneruese për organizmin.

Në veçanti do t’ju ndihmojnë arrorët ku futen arrat, bajamet, lajthitë dhe fistikët.

Perimet me gjethe jeshile gjithashtu janë një ndihmë e madhe pasi, janë të pasura me polifenole një enzimë që mbron organizmin.

Yndyrnat dhe antioksidantët janë një pasuri e vërtetë për organizmin pasi, ndihmojnë në shëndetin e mirë të zemrës dhe të gjithë organeve të tjerë./AgroWeb