BREAKING NEWS

Një humbje e madhe / Koronavirusi i merr jetën aktorit dhe regjisorit të famshëm shqiptar

Një humbje e madhe / Koronavirusi i merr jetën aktorit dhe regjisorit
x

Shëndeti

Luftojnë ulcerën në stomak, këto janë kurat natyrale me efekte të menjëhershme (Ushqimet që duhet të shmangni)

Luftojnë ulcerën në stomak, këto janë kurat natyrale me

Ulcera e stomakut  është një sëmundje e dhimbshme që prek miliona njerëz në botë.

Bakteri H.Pylori është shkaktari kryesor i dëmtimit të shtresës së stomakut, megjithatë ulcera mund të shkaktohet edhe nga abuzimi me aspirinë, ibuprofen e ilaçe të ngjashme.

Ulçera e stomakut trajtohet me medikamente që synojnë të pakësojnë dhe bllokojnë aciditetin në stomak.

Nga ana tjetër ju mund të shfrytëzoni disa produkte dhe kura natyrale që përmirësojnë shëndetin e stomakut. Lexoni më poshtë listën e hartuar nga të dhënat e AgroWeb.org.

Flavonoidët

Flavonoidët janë përbërës natyalë të frutave dhe perimeve si mollët, rrushi i kuq, brokoli, bishtajoret, frutat e pyllit dhe çaji jeshil.

Këto ushqime janë të mira për stomakun dhe e mbrojnë atë nga bakteret.

Jamballi

Kjo bimë që merret edhe si suplement, parandalon zhvillimin e bakterit përgjegjës për ulçerën.

Megjithatë, nëse konsumoni sasi të mëdha të saj do të përkeqësoni sëmundjet e zemrës ose tensionit të gjakut nëse vuani prej tyre.

Konsultohuni me mjekun tuaj.

Probiotikët

Probiotikët janë mikro organizma të rëndësishëm për sistemin tretës.

Ato i gjeni me shumicë tek kosi, ose mund t’i merrni si suplementë.

Studimet të cilave u referohet AgroWeb.org, thonë se probiotikët shkatërrojnë bakteret dhe përshpejtojnë shërimin tek njerëzit që tashmë marrin medikamente kundër ulcerës.

Mjalti

Mjalti përmban minimalisht 200 substanca mirëbërëse dhe antioksidantë.

Ai është armik i baktereve, përfshirë atë që shkakton ulcerën.

Për sa kohë nivelet e sheqerit janë normale, ju mund ta përdorni mjaltin si ëmbëlsues dhe të qetësoni ulcerën.

Hudhra

Ekstraktet e hudhrës janë ideale për të shmangur zhvillimin e bakterit të ulçerës.

Por nëse merrni ilaçe për hollimin e gjakut, duhet të tregoni kujdes me hudhrën sepse ajo kryen të njëjtën gjë.

Boronica e kuqe

Lëngu i këtij fruti është efikas kundër infeksioneve urinare dhe baktereve të ulcerës.

Megjithatë, nuk duhet të pini shumë lëng, sepse përmban shumë sheqer dhe mund të shkaktojë probleme me tretjen.

Frutat, Perimet dhe Drithërat

Një regjim ushqimor i pasur me fruta, perime dhe drithëra të plota është shumë i rëndësishëm për shëndetin e të gjithë organizmit dhe të stomakut në veçanti.

Një regjim i pasur me vitamina përshpejton shërimin e ulcerës.

Ushqimet më të mira që mund të konsumoni rregullisht kundër ulcerës janë: rigoni, rozmarina, çokollata e zezë, frutat e pyllit si boronicat, luleshtrydhet e të tjerë dhe ullinjtë e zinj.

Ulcera dhe Ushqimet Që Duhen Shmangur

Njerëzit që vuajnë nga ulcera apo urthi duhet të tregojnë kujdes dhe të mos konsumojnë kafe, pije të gazuara, speca djegës, ushqime të përpunuara, ushqime me shumë kripë, ushqime të skuqura, agrume dhe domate./AgroWeb.org

Më të lexuarat