Presioni juaj i gjakut mund të ngrihet edhe gjatë natës, ekspertët dalin me këshillat e rëndësishme

Gjumi i parehatshëm dhe vështirësitë për të fjetur rrisin rrezikun e sëmundjeve kardiovaskulare

A e dini se disa sjellje gjatë gjumit mund të ndikojnë në shëndetin tuaj dhe të rrisin rrezikun e sëmundjeve kardiovaskulare. Nëse e keni të vështirë të bini në gjumë, përpëliteni, keni pagjumësi ose zgjoheni shpesh, ky tekst është për ju

Kjo mund të ketë edhe pasoja negative në shëndetin e sistemit kardiovaskular.

Kjo lidhet me presionin e gjakut, i cili ulet kur flini gjumë të thellë. Përndryshe, nëse e keni të vështirë të flini gjumë, presioni i gjakut me siguri do të rritet, thonë kardiologët.

Kërkimet shkencore kanë treguar gjithashtu se pagjumësia, një çrregullim i gjumit që e bën të vështirë “zhytjen” në të dhe për të fjetur më lehtë, lidhet me një sërë sëmundjesh kardiovaskulare, duke përfshirë hipertensionin, sëmundjet e zemrës dhe insuficiencën e zemrës.

Një studim i fundit i publikuar në “Sleep Advances” zbuloi se pagjumësia mund të rrisë rrezikun e dështimit të zemrës, goditjes në tru dhe vdekjes kardiovaskulare.

Në hulumtim morën pjesë 1082 pacientë që kishin një problem të caktuar të zemrës ose një lloj ndërhyrjeje. Në fillim, 45 për qind e pacientëve kishin pagjumësi, ndërsa 24 për qind e tyre thanë se përdornin ilaçe për gjumë. Pas rreth katër vitesh monitorimi dhe testimi, studiuesit zbuluan në 225 pacientë deri në 364 efekte anësore të përsëritura kardiake.

Neurologët shpjegojnë se sa efektiv dhe i shëndetshëm është gjumi për trupin nga shtatë deri në nëntë orë në natë dhe çdo gjë nën gjashtë orë është një rrezik për shëndetin mendor dhe fizik, po ashtu duhet ta përgatisim trupin në mënyrë adekuate për gjumë.

Kjo do të thotë që të mos ketë tendosje fizike një orë para se të shkoni në shtrat, si dhe të hani. Duhet t’i lëmë mënjanë telefonat, sepse rrezatimi i tyre vetëm na dëmton edhe më shumë.