BREAKING NEWS

Ngjarje kriminale/ Zbrazen plumbat mbi uniformat blu të Policisë në Mamurras, plagosen rëndë dy efektivë, nisen me urgjencë në spital

Ngjarje kriminale/ Zbrazen plumbat mbi uniformat blu të Policisë
x

Shëndeti

Të jep energji dhe të rrit imunitetin, kjo është receta më e mirë për të bërë supën që ka efekte të shumta shëruese

Të jep energji dhe të rrit imunitetin, kjo është receta

E lehtë dhe plot shije, kjo pjatë tipike e kuzhinës tradicionale është ideale për gjallërimin e organizmit dhe shoqërohet në mënyrë të shkëlqyer me sallata të freskëta të stinës. Më poshtë gjeni recetën e shijshme të përgatitjes së supës me mish pule, kos e miell misri në shtëpi.

Për 4-5 persona duhen: 4 thela mish pule, 3 lugë gjelle miell misri, 2 lugë gjelle gjalpë ose vaj ulliri, 1 karrotë, 3-4 thelpinj hudhra, 4-5 lugë gjelle kos, Kripë, Piper.

Përgatitja: Si fillim, duhet të pastroni me ujë të rrjedhshëm thelat e pulës dhe më pas vendosini në një tenxhere ku keni hedhur pak vaj ulliri, karrotën e grirë dhe pak gjalpë të freskët.

Kaurdisni për 1-2 minuta nga të dyja anët, shtoni kripë dhe mbulojini mirë me ujë. Lërini të ziejnë derisa mishi i pulës të jetë zbutur.

Ndërkohë në një tigan shtojmë vajin e ullirit dhe hedhim dhe miellin e misrit. Me një lugë druri e kaurdisim derisa të marrë ngjyrë të artë. Pasi mishi i pulës të ketë zierë, i largojmë thelat nga tenxherja dhe i lëmë mënjanë.

Tek mielli i misrit shtojmë pak nga lëngu i mishit të pulës dhe e përziejmë vazhdimisht, që të mos krijohen kokrriza. Duhet të shtoni masën e lëngut të pulës dhe ta përzieni mirë derisa masa të njëtrajtësohet me lëngun.

Mishin e pulës pasi të jetë ftohur pak e presim në copa të vogla dhe e shtojmë tek tigani. Shtojmë dhe piperin e zi dhe 3-4 thelpinj hudhra të shtypura sipas dëshirës, dhe e lëmë që të vlojë në zjarr mesatar.

Kjo supë duhet të jetë pak më e plotë, dhe nëse shohim që kemi shtuar shumë nga lëngu i mishit të pulës, mund të shtoni fare lehtë një lugë gjelle me pure patatesh. Sipas dëshirës, nëse preferoni që supa të jetë kremoze, kalojeni për pak minuta në mikser. Pasi të jetë zierë, e heqim tenxheren nga zjarri dhe e ndajmë nëpër pjata të thella, dhe para se ta shërbejmë shtojmë nga një lugë kos.

Më të lexuarat