BREAKING NEWS

Haaland ka shënuar 103 gola në 100 paraqitjet e tij të para në ligë në Evropë, ja sa ka Messi dhe Ronaldo?

Haaland ka shënuar 103 gola në 100 paraqitjet e tij të para
x
BREAKING NEWS

Një oficer policie dhe një ushtarak, pjesë e grupeve kriminale/ Nga masakrat tek atentatet, Policia në konferencë urgjente, zbardhen detajet e super-operacionit: Ishin vrasës me pagesë

Një oficer policie dhe një ushtarak, pjesë e grupeve kriminale/
x
BREAKING NEWS

Super-operacion në Durrës, shkatërrohet grupi kriminal, arrestohen 15 persona të dyshuar për vrasje. Detajet

Super-operacion në Durrës, shkatërrohet grupi kriminal,
x
BREAKING NEWS

I pari në vendin tonë që fiton betejën/ U shkarkua nga KPA, prokurori i njohur i Tiranës fiton gjyqin në Strasburg

I pari në vendin tonë që fiton betejën/ U shkarkua nga KPA,
x
BREAKING NEWS

Publikimi i të dhënave, gazetari Koka bën deklaratën e fortë dhe paralajmëron: Nëse publikohet Memex e gjithë organizata e Policisë së Shtetit rrëzohet, ja kush janë ata që cënohen më shumë

Publikimi i të dhënave, gazetari Koka bën deklaratën e
x
BREAKING NEWS

Sulmi kibernetik/ Ish-kreu i policisë, Hajdarmataj bën paralajmërimin e fortë: Nëse grupet kriminale marrin në dorë sistemin MEMEX do të ketë pasoja, kjo situatë...

Sulmi kibernetik/ Ish-kreu i policisë, Hajdarmataj bën
x
BREAKING NEWS

Zgjedhjet për kryetarin/ Plas keq mes Kokalarit dhe Sekretarit të FRPD: Kë gënjeni ju, budallenj na dini?

Zgjedhjet për kryetarin/ Plas keq mes Kokalarit dhe Sekretarit të
x
BREAKING NEWS

Publikimi i të dhënave/ Klodiana Lala sulmon qeverinë: Po gënjejnë, institucionet e dinë shumë mirë se cilat sistemi janë sulmuar dhe ç’të dhëna janë marrë

Publikimi i të dhënave/ Klodiana Lala sulmon qeverinë: Po
x

Shëndeti

Vjen lajmi i mrekullueshëm! Terapia e re për trajtimin e tumoreve, 'vret' kancerin, vjen shpresa e madhe për pacientë. Ja çfarë deklarojnë shkencëtarët

Vjen lajmi i mrekullueshëm! Terapia e re për trajtimin e tumoreve,

Një lloj i ri i terapisë së kancerit, që përdor një virus të zakonshëm për të infektuar dhe shkatërruar qelizat e dëmshme, po jep rezultate premtuese, thanë shkencëtarët në Mbretërinë e Bashkuar.

Kanceri tek një pacient u zhduk, ndërsa tek të tjerë tumoret u zvogëluan. Ilaçi është një formë e dobësuar e virusit, herpes simplex, që është modifikuar për të vrarë tumoret.

Do të nevojiten studime më të mëdha, por ekspertët thonë se injeksioni mund të shpëtojë shumë njerëz me kancer të avancuar.

Krzysztof Wojkowski, një ndërtues 39-vjeçar nga Londra perëndimore, është një nga pacientët që mori pjesë në provën e vazhdueshme të sigurisë në fazën e parë, të drejtuar nga Instituti i Kërkimit të Kancerit në Fondacionin Royal Marsden NHS Trust.

Ai u diagnostikua në vitin 2017 me kancer të gjëndrave të pështymës, pranë gojës. Pavarësisht operacionit dhe trajtimeve të tjera në atë kohë, kanceri i tij vazhdoi të rritet.

“Më thanë se nuk kishte alternativa për mua. Ishte shkatërruese, kështu që ishte e pabesueshme të më jepej ky shans”, tha Krzysztof Wojkowski.

Krzysztof
Krzysztof Wojkowski

Më pas shtoi: “Kam bërë injeksione çdo dy javë për pesë javë, të cilat më zhdukën plotësisht kancerin. Kam dy vite që s’vuaj më nga kanceri.”

Injeksionet, të dhëna direkt në tumor, sulmojnë kancerin në dy mënyra, duke pushtuar qelizat kancerogjene dhe duke i bërë ato të shpërthejnë, dhe duke aktivizuar sistemin imunitar.

Rreth 40 pacientë e kanë provuar trajtimin si pjesë e provës. Disave iu dha injeksioni i virusit, i quajtur RP2, më vete. Të tjerë gjithashtu morën një ilaç tjetër kundër kancerit, të quajtur nivolumab, gjithashtu.

Gjetjet, të paraqitura në një konferencë mjekësore në Paris, Francë, tregojnë:

-Tre nga nëntë pacientë që iu dha vetëm RP2, ku përfshihej Krzysztof, panë që tumoret e tyre të tkurreshin

-Shtatë nga 30 që kishin trajtim të kombinuar gjithashtu dukej se përfitonin

-Efektet anësore, të tilla si lodhja, ishin përgjithësisht të lehta

Studiuesi kryesor, Kevin Harrington tha për BBC se përgjigjet e trajtimit të parë ishin “vërtet mbresëlënëse” në një sërë kanceresh të avancuara, duke përfshirë kancerin e zorrës së trashë (ezofagit) dhe një lloj të rrallë të kancerit të syrit.

“Është e rrallë të shohësh norma kaq të mira përgjigjeje në provat klinike të fazës së hershme, pasi qëllimi i tyre kryesor është të testojnë sigurinë e trajtimit dhe ato përfshijnë pacientë me kancer shumë të avancuar për të cilët trajtimet aktuale kanë pushuar së funksionuari”, tha ai.

Ndërsa shtoi: “Mezi pres të shoh nëse ne vazhdojmë të shohim përfitime ndërsa trajtojmë një numër në rritje të pacientëve.”

Nuk është hera e parë që shkencëtarët përdorin një virus për të luftuar kancerin. NHS miratoi një terapi të bazuar në virusin, e quajtur T-Vec, për kancerin e avancuar të lëkurës disa vite më parë.

Harrington e quan RP2 një version të ri të T-Vec.

“Ka pasur modifikime të tjera të virusit, në mënyrë që kur të futet në qelizat e kancerit të nënshkruajë në mënyrë efektive urdhërin e tyre të vdekjes.”

Doktoreshë Marianne Baker, nga Cancer Research UK, tha se gjetjet inkurajuese mund të ndryshojnë kursin e trajtimit të kancerit.

“Shkencëtarët zbuluan se viruset mund të ndihmojnë në trajtimin e kancerit 100 vjet më parë, por ka qenë sfiduese për t’i shfrytëzuar ato në mënyrë të sigurt dhe efektive. Kërkimet sugjerojnë se kombinimi i trajtimeve të shumta është një strategji e fuqishme dhe terapitë e viruseve si kjo mund të bëhen pjesë e mjeteve tona për të mposhtur kancerin”, deklaroi ajo.