Ajaksi i papërmbajtur me trajner Hritingën, mposht edhe Kamburin

Ajaksi i trajnerit Xhohn Heitinga regjistroi fitoren e dytë radhazi në Holandë, ku mposhti 5-0 Kamburin në transfertë. Kampionët në fuqi e nisën menjëherë me vrull takimin dhe i zhbllokuan shifrat pas vetëm 16 minutave lojë me Dushan Tadiç pas një aksioni manual. Dominimi vazhdoi edhe për minutat në vijim dhe në të 36’ ishte Steven Berghuis që realizoi. Holandezi realizoi në sfidën e tij të 300-të në kampionatin holandez dhe në këtë rast përfitoi në maksimum nga një asist i Kudus për të ndëshkuar vendasit me kokë. Në pjesën e dytë, Ajaks shënoi dhe tre gola të tjerë për të vulosur gjithçka dhe për të fiksuar shifrat në 0-5. Realizoi Berghuis, me golin e minutës së 64-t, Brian Brobej i ardhur nga stoli që bëri dopietë me finalizimet e minutës së 79-të dhe 90-të, me sulmuesin që shkon në kuotën e 10 golave sezonal. Tani Ajaks e ka lënë pas momentin negativ dhe do të hedhë sytë drejt kreut të klasifikimit. Xhohn Heitinga ka risjellë qetësinë e munguar me fitoren e dytë në po kaq ndeshje në stol, me ‘Harkëtarët’ që shkojnë në 40 pikë në vendin e dytë duke ndezur në maksimum garën për titull.