BREAKING NEWS

Maturantët çohen në protestë para Qendrës për Shërbimin Arsimor, reagon 'flakë për flakë' ministrja Evis Kushi, tregon vendimin që pritet

Maturantët çohen në protestë para Qendrës për
x
BREAKING NEWS

Priten zhvillime të rëndësishme! Socialistët mbledhin sot Kongresin e jashtëzakonshëm në stadiumin “Air Albania”, rizgjidhen strukturat. Zbardhet e gjithë axhenda

Priten zhvillime të rëndësishme! Socialistët mbledhin sot
x
BREAKING NEWS

“Për të gjithë ata që i japin PS diçka sado të vogël”, Rama del me mesazhin e fuqishëm për të gjithë socialistët

“Për të gjithë ata që i japin PS diçka sado
x
BREAKING NEWS

PS mbledh sot Kongresin, paralajmërohet furtunë në parti dhe në administratë, emrat me më shumë vota drejt katapultimit në qeveri

PS mbledh sot Kongresin, paralajmërohet furtunë në parti dhe
x
BREAKING NEWS

Shantazhet e Berishës ndaj SHBA për të marrë PD, blof për të rritur pazarin, deputetët demokratë kundër rikthimit të tij

Shantazhet e Berishës ndaj SHBA për të marrë PD, blof
x

Sport

Alegri nis lëvizjet tek Juventusi, telefon tre lojtarë të anulojnë planet e tyre për të ikur nga “Zonja e Vjetër”

Alegri nis lëvizjet tek Juventusi, telefon tre lojtarë të

Menjëherë sapo u largua Andrea Pirlo, dhe u kthye në timonin e Juventusit Masimiliano Alegri, klubi bardhezi ka nisur lëvizjet e tij në treg, që konsistojnë fillimisht në përtëritjen e grupit, por akoma më parë me rinovimin e disa lojtarëve që tekniku i sheh të domosdoshëm për projektin e tij të së ardhmes. Kështu, sikurse raportojnë mediat sportive italiane, trajneri Masimiliano Alegri ka marrë vendimet e tij të para për transferime në Juventus, që lidhen me Paulo Dibala, Xhorxhio Kjelini dhe Hakan Calhanoglu, i cili pritet të largohet nga Milano. Tekniku italian është kthyer në klub dy vjet pasi u shkarkua. Ai fitoi 11 trofe në pesë sezone para se të shkarkohej në vitin 2019. Sipas disa raporteve në Itali, Alegri do të ketë një ‘rol menaxher’ të ngjashëm me disa trajnerë të Premier League. “La Gazzetta dello Sport” raporton se Alegri e thirri Paulo Dibalën për ta bindur atë të nënshkruante një zgjatje të kontratës me Bianconerët. Duket se është një detyrë e vështirë pasi marrëveshja e Dibala në “Allianz Stadium” skadon në vitin 2022, dhe argjentinasi refuzoi një ofertë prej 10 milionë euro në vit nga Zonja e Vjetër verën e kaluar. Alegri është gjithashtu i hapur për zgjatjen e kontratës së Xhorxhio Kjelini që skadon. Kapiteni i Italisë dhe Juventusi pritet të zgjasin qëndrimin e tij në klub deri në vitin 2022 para se të pensionohet. 36-vjeçari luajti 25 ndeshje në të gjitha garat në sezonin 2020-21 dhe është pjesë e ekipit të Italisë për Euro 2020. “Calciomercato.com” raporton se Alegri gjithashtu i ka dhënë dritën jeshile nënshkrimit të Hakan Calhanoglu nga Milano si agjent i lirë. Kontrata e “playmakerit” turk skadon në fund të sezonit dhe ai duket se nuk dëshiron të nënshkruajë një marrëveshje të re me Rosonerët. Ndërkohë, një tjetër lojtar që pritet të ndryshojë mendje është portieri Xhixhi Donaruma i Milanit, i cili do të largohet nga kuqezinjtë, por menaxheri i tij po negocion me klube të Premier League. Në fakt, trajneri i Juves Alegri e njeh Donarumën dhe sipas medieve italiane po përpiqet ta joshë atë të zgjedhë fanellën bardhezi. Xhixho Donaruma dhe agjenti i tij Mino Raiola së fundmi e kanë bërë të qartë se klubi që kërkon gardianin duhet t’i ofrojë 10 milionë euro në sezon. Në këtë formë, Milan hoqi dorë nga bisedimet për rinovim, ndërsa këtë shifër ishin të gatshëm t’ia plotësonin te Juventus. Mirëpo, ndryshimet e fundit në drejtim që kanë prekur bardhezinjtë, kanë bërë që portieri dhe agjenti i tij të ulin pretendimet. Kjo sepse Masimiliano Alegri nuk e sheh me përparësi portierin dhe mund të mbajë fare mirë Sheznin, teksa beson te polaku. Nga ana tjetër, tashmë nuk është më as Paratiçi dhe kështu te Juventus nuk kanë kontaktuar së fundmi Donarumën. Ndaj, Raiola i ka telefonuar drejtuesit e torinezëve për t’i theksuar gatishmërinë e portierit që tashmë kënaqet edhe me 6 milionë euro në sezon. Një ndryshim i madh kursi për Donarumën, që tashmë duket se do te firmosë pas kushteve të Juventus dhe jo të tijave.