Anglia bën “paqe” me SHBA, kualifikimi në grupin B bëhet enigmatik

Kupa e Botës është futur në një fazë deikate të ndeshjeve në grupe, ku dje pati surpriza jo të vogla si në grupin A ku Katari u eliminua përfundimisht, ashtu dhe në grupin B, ku fitorja e Iranit, kombinuar me barazimin e Anglisë me SHBA-në, e ka bërë enigmatik fatin e kualifikimit në këtë grup. Pra, gjithçka do të vendoset në ndeshjet e xhiros së tretë. Të gjitha kanë shans kualifikimi, e po të gjitha rrezikojnë eliminimin. Anglia barazoi 0-0 me Shtetet e Bashkuara të Amerikës në raundin e dytë të sfidave në grup dhe shtyn për ndeshjen e fundit sigurimin e kualifikimit. “Tre Luanëve” tashmë do t’u duhet thjesht të shmangin një humbje me më shumë se tre gola diferencë ndaj Uellsit, për të vijuar në fazën me eliminim direkt (nëse skuadrat përfundojnë me pikë të barabarta, kriteri i parë është golaverazhi i përgjithshëm). Dhe për të qenë të sigurt në vendin e parë, anglezët duhet ta ftojnë ndeshjen e fundit. Sa i përket ndeshjes me Shtetet e Bashkuara, rastet më të pastra u shënuan gjatë pjesës së parë, me amerikanët më pranë golit. Herri Kejn në fillim të këtij fraksioni dhe Maunt në shtesë iu afruan golit për Anglinë, ndërsa amerikanët patën të rast të pastër me McKenien, kurse Pulisic u ndal nga traversa. Vlen të përmendet edhe rasti i Herri Kejn në shtesë, që ishte i fundit në këtë sfidë. Ndërkohë, përfaqësuesja e Iranit ka shënuar fitoren e parë në Botërorin “Katari 2022”. Të premten, në ndeshjen e xhiros së dytë të Grupit A, Irani triumfoi ndaj Uellsit me rezultatin 2:0. Golin e fitores për Iranin, u shënuan në minutat e kohës shtesë. Fillimisht, në minutën e tetë shënoi Rouzbeh ?eshmi, ndërsa tre minuta më vonë realizoi edhe Ramin Rezaeian. Për Iranin, kjo është fitorja e parë në fazën e grupeve pas humbjes së thellë 6:2 nga Anglia në ndeshjen e parë. Ndërkohë, Uellsi pësoi disfatën e parë pas barazimit 1:1 ndaj SHBA-së. Me këtë humbje, Uellsi ka minimizuar gjasat për të avancuar nga grupi. Edhe pse nuk e pati posedimin e topit, Irani ishte shumë më i mirë se Uellsi dhe krijoi më shumë raste shënimi. Madje, Irani shënoi një gol në minutën e 16-të me anë të Ali Gholizadeh, por që u eliminua nga VAR-i për pozitë jashtëloje. Po ashtu, Irani në fillim të pjesës së parë qëlloi edhe dy herë shtyllën kurse në të dytën e kërkoi edhe më shumë golin, por nuk arriti ta mposht portierin Hosein Hoseini. Uellsi ndeshjen e përfundoi me një lojtar më pak, pasi në minutën e 85-të, portieri Uejn Henesey u ndëshkua direkt me karton të kuq pas udhëzimit të dhomës së VAR-it.