Anulohet ndeshja e Vllaznisë, klubi del me njoftim

Sot ishte planifikuar një ndeshje miqësore mes Vllaznisë dhe Kastriotit në stadiumin “Loro Boriçi”, por nuk do të zhvillohet.

Lajmi është bërë i ditur nga vetë klubi shkodran përmes një postimi në rrjetet sociale.

KF Vllaznia bën të ditur se ndeshja miqësore ndaj ekipit të Kastriotit, e planifikuar për t’u luajtur ditën e sotme në orën 14:00 në stadiumin “Loro Boriçi”, nuk do të zhvillohet. Ekipi krutan e ka patur të pamundur për të udhëtuar drejt Shkodrës për disa arsye të rëndësishme dhe si rrjedhojë, kjo ndeshje nuk do të luhet.