Armando Broja takim kokë më kokë me trajnerin Tuhel, rriten shanset e qëndrimit tek Çelsi

Armando Broja është një prej lojtarëve të rinj të Kombëtares që ka spikatur më shumë gjatë vitit të fundit, ku një sërë paraqitjesh të mira në kampionatin anglez me Sauthemptonin (ku ishte i huazuar nga Çelsi), si dhe loja e mirë dhe me gola e asiste të rëndësishëm, por që nuk mori minutazh të plotë. Më pas e nisi titullar, la gjurmë me Islandën, por Kombëtarja pret më shumë prej tij në ndeshjet e ardhshme. Për momentin Broja është në merkato, por klubi i tij Çelsi po priqet ta huazojë atë në një klub tjetër. Por lojtari shqiptar nuk dëshiron të huazohet. Ai i ka vënë kushte Çelsit, ose ta shesë, ose të luajë në formacion. Një kusht të tillë indirekt e pranon trajneri Tomas Tuhel, që në dy javët e fundit ka pasur dy takime me futbollistin për të gjetur një zgjidhje. E vërteta është se trajneri e dëshiron, por nuk i garanton formacionin, pra mund ta lerë në stol, por Armando Broja pretendon se është rritur për të luajtur titullar. Nga takimi i fundit kemi surpriza interesante, pasi trajneri gjerman ka pranuar se ndodhet në pozitë të vështirë, ku as nuk jep garanci, por as nuk e lëshon Brojën.

Ofertat për Brojën dhe qëndrimi i Tuhelit

Natyrisht që takimet janë të nevojshme dhe lojtari e kishte të domosdoshme një bisedë me trajnerin për të ardhmen e tij, por a do të ketë të ardhme tek Çelsi? Sulmuesi shqiptar është vendosur disa herë në radarët e disa klubeve të cilët kanë kërkuar shërbimet e tij. Broja ka bërë të qartë se nuk do më që të largohet në formë huazimi, por vetëm me një shitje përfundimtare. Tuhel ka bllokuar disa herë tratativat e klubeve të tjera që kërkonin Brojën, dhe tashmë nga Anglia raportohet se Thomas Tuhel ka patur një takim me bomberin shqiptar. Tuhel ka vendosur që t’i japë një shans Brojës në Premier League me Çelsi.

Fanella, shenjë e qëndrimit tek Çelsi

Edhe pse ka thuajse një muaj deri në fundin e merkatos, ka ardhur nga fakti se Çelsi ka bërë të ditur numrat e lojtarëve të ekipit të parë. Në njoftimin e klubit, edhe Broja rreshtohet me skuadrën e parë dhe tashmë jo me numrin 39 provizor që i ishte dhënë në miqësore, por me një numër që ai e preferon, 18-ën, të cilën e ka mbajtur edhe në radhët e Sauthempton. Për të liruar këtë numër, Çelsi ka shkuar deri aty sa ia ka hequr Ros Barklei, mesfushorit anglez i cili ka luajtur 33 ndeshje me “tre luanët”. Ky i fundit ka mbetur pa numër, pasi tashmë atë që mbante ai të blutë që nga viti 2018, i përket Brojës.

Takimi i Brojës me trajnerin, jo përfundimtar

Siç raporton gazetari Simon Filips, trajneri gjerman ka pasur një takim me Armando Brojën pas ndeshjes miqësore ndaj Udineze. Ai i ka kërkuar Brojës që të qëndrojë pasi e konsideron pjesë të projektit. “Thomas Tuhel dhe Broja kanë pasur një takim pas ndeshjes me Udinezen dhe trajneri gjerman i ka thënë se dëshiron që të qëndrojë dhe ai ishte i lumtur pas kësaj bisede. Ka gjasa që ai të rrijë në ekip, por do të isha shumë budalla po të thoja se Broja do të qëndrojë 100% te Çelsi”, ka raportuar gazetari.