Asllani i vendosur për të shkëlqyer: Po i marr hapat një e nga një

Kombëtarja është grumbulluar dhe po stërvitet intensivisht për dy takimet e fundshtatorit, ndaj Izraelit dhe Islandës, ku kuqezinjtë do të kërkojnë maksimumin dhe e kanë premtuar me të madhe këtë. Do të jetë shumë e vështirë, sidomos ndaj izraelitëve, ndaj të cilëve luhet në transfertë, por ekipi ka besim dhe trajneri Edi Reja mendon se të gjithë ata që do të aktivizohen do të bëjnë më të mirën në fushën e lojës. Ndërkohë, krahas Klaus Gjasulës, në konferencë për shtypin të kuqezinjve u shfaq mesfushori i Interit, Kristjan Asllani. “Kemi luajtur kundër Izraelit, është një ekip shumë i fortë, sepse ka lojtarë shumë të shpejtë. Besoj se kemi shumë shanse në këtë ndeshje që të marrim tri pikë.Është normale që s’kam luajtur, jam 20-vjeç dhe kam ardhur në një ekip shumë të fortë, por duhet të kem durim, pasi në roli tim luan një lojtar shumë i mirë si Brozovic dhe po mësoj shumë nga ai”, theksoi që në fillim Asllani. Më pas ai komentoi ndeshjet e Kombëtares si mundësi për vetem e tij që të fitojë më shumë vëmendje nga trajneri Simone Inzagi. Por që ai tha se përqendrimin e kishte për takimin e radhës e jo cfarë mendohej tek Interi në këtë moment “Jo nuk e di, kurjam me Kombëtaren, luaj me Kombëtaren, kur të kthehem, s’e di çfarë do bëhet. Stërvitem mirë, jam profesionist, kur të më jepet shansi, do të jap më të mirën”, nënvizoi më tej Asllani. Në fund ai foli edhe për kalimin e tij tek zikaltrit, që shkaktoi shumë bujë në merkaton e verës, si një nga lëvizjt e fuqishme të Interit. “Nuk e di si ka ndryshuar, pasi kam kaluar nga një ekip i vogël si Empoli tek Interi, që është superekip. E di që ka presion më të madh, por përmua nuk është problem, pasi jam mësuar”, përfundoi Asllani, që mund ta nisë titular këtë ndeshje, nisur dhe nga mungesat e rëndësishme që ka trajneri Reja në këtë grumbullim.