Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Avokati i Ronaldos: Akuzat ndaj lojtarit për t’i prishur imazhin, dokumentet janë përdorur nga hakerat

Postuar: 12/10/2018 - 07:12

Kristiano Ronaldo është në hall të madh. Ai akuzohet për përdhunimin e një femre në Shtetet e Bashkuara të Amerikës, pikërisht në qytetin e Las Vegasit në vitin 2009. Kemi të bëjmë me një akuzë të ngritur nga Kathryn Mayorga, e cila pretendon se është përdhunuar nga portugezi nëntë vite më parë. Si provë të fortë ajo ka dokumentin që vërteton se Ronaldo ka paguar për heshtjen e saj vite më parë, një shumë mbi 300 mijë dollarë. Por avokati i Ronaldos, Peter Kristiansen, pretendon se kjo pagesë është bërë që lojtari të lihet i qetë dhe të mos kishte të bënte me gjyqet, në mënyrë që të mos dëmtohej imazhi i tij. Tani që situata është tensionuar së tepërmi, avokati i Ronaldos dhe mbështetësit e tij janë betuar t’i shkojnë kësaj çështjeje deri në fund dhe po mbledhin provat e mbrojtjes. Madje për herë të parë avokati përmendi dhe një konspiracion në internet, duke thënë se një haker ka ndërhyrë online në dokumente duke u ndryshuar përmbajtjen, gjë që ka dëmtuar imazhin e futbollistit. E thënë ndryshe, ka nisur mbrojtja e Kristiano Ronaldos kundër akuzave për përdhunim seksual ndaj Kathryn Mayorga. Avokati i portugezit, Peter Kristiansen, ka dhënë një deklaratë për shtyp, në të cilën u përgjigjet me vendosmëri lajmeve të javëve të fundit, ku, sipas tij, futbollisti i Juventusit është sulmuar padrejtësisht.

“Kjo fushatë denigrimi e qëllimshme është e bazuar në dokumente elektronike të cilat janë vjedhur dhe janë manipuluar”, u shpreh ai. “Nga viti 2015 e deri më sot, shumë studio ligjore në Evropë janë sulmuar nga një haker, i cili është munduar të shesë informacione të rëndësishme, që më pas u është ndryshuar përmbajtja nga persona të papërgjegjshëm”, shtoi avokati. Sipas po kësaj deklarate, pozicioni i Kristiano Ronaldos është i njëjtë e njëkohësisht e vetmja e vërtetë. Ngjarja, e cila ka ndodhur në vitin 2009, në Las Vegas, ka qenë një raport konsensual. Kristiansen ka sqaruar më tej se është e vërtetë që klienti i tij ka paguar Majorgan, duke ndjekur këshillën e avokatëve për t’u dhënë fund akuzave të bëra kundër tij, por kjo nuk do të thotë se ai ka pranuar që është fajtor. Gjithsesi, kjo situatë sa vjen e po bëhet më e rëndë, pasi po dëmton imazhin e Ronaldos. Tri femra të tjera, pretendojnë se i ka ndodhur e njëjta gjë në të kaluarën nga portugezi. Në fakt, akuza rikthehet pas shumë vitesh dhe kjo është në avantazhin e Ronaldos, por dokumentet e bankave ku ai ka kryer transaksionet në llogari të Majorgas mund ta fundosin portugezin. Bëhet fjalë për një akuzë që nëse vërtetohet e vë me shpatulla për muri sulmuesin portugez dhe kjo do të ishte katastrofike për lojtarin në këtë moment. Gjithsesi, Ronaldo është shfaqur i qetë gjatë këtyre ditëve në stërvitjen e Juventusit, teksa klubi italian i ka dalë në krahë, duke thënë se do të mbështesë futbollistin në qëndrimin e tij si i papërlyer në këtë histori.

Adriatik BALLA

/Agjensia e Lajmeve Sot News/

Na Beni Like Ne Facebook: 
Total votes: 1

Lajme nga e njejta kategori

Postuar: 23/10/2018 - 10:37

Cristiano Ronaldo doli dje në një konferencë për shtyp para mediave, ku foli për sfidën e ditës së sotme, atë mes Mançester Junajtid dhe Juventusit, por jo vetëm.

Postuar: 23/10/2018 - 07:37

 Lionel Messi pritet të jetë jashtë fushave rreth tri javë pasi ka thyer bërrylin gjatë ndes

Postuar: 23/10/2018 - 07:18

Ylli brazilian i Paris Saint Germain, Nejmar, mësohet se kishte kërkuar të rikthehej në Barcelonë

Postuar: 23/10/2018 - 07:17

Flamurtari mori një fitore të çmuar 1-0 mbrëmjen e djeshme në Vlorë përballë Tiranës, në një taki

Postuar: 22/10/2018 - 22:56

 Akuzat për përdhunim duket se nuk kanë ndikuar aspak në humorin e Cristiano Ronaldos.

Postuar: 22/10/2018 - 17:12

Neymar po përflitet shumë kohët e fundit për një rikthim te ish-skuadra e tij, Barcelona.Lid

Postuar: 22/10/2018 - 16:11

Tek Reali i Madridit situata sa vjen e tensionohet akoma më tepër.Rezultatet janë mjaf të këqija