Bajerni në ethet e rinovimit, “Leva” mund të largohet, por Nojer e Muller vazhdojnë

Bajerni i Mynihut mbetet klubi më i përsosur në Gjermani, pretendent absolut edhe këtë sezon që të fitojë trofeun e kampionatit, por njëherësh edhe klubi i vetëm gjerman që ka shanse të triumfojë në Ligën e Kampioneve të Europës. natyrisht që klubi bavarez ka një grup me cilësi të cilin e ka përtërirë vazhdimisht dhe ka mbajtur kuota të larta pretendimesh si në futbollin gjerman ashtu dhe në Europë. Ndërkohë, një shqetësim ka së fundmi në lidhje me futbollistët veteranë dhe bëhet fjalë për Robert Levandovskin, Tomas Mullerin dhe Manuel Nojerin, të cilëve u është ofruar rinovimi por lojtarët po hezitojnë për shkak të kushteve financiare jo dhe aq të dëshiruara prej tyre. Në fakt, mbi politikat e rinovimit te Bajern My nihut flitet shumë përmes rubrikave të “SportBild”. Gazeta e njohur gjermane është fokusuar sot në pozicionin kontraktual të tre “kapitenëve” të skuadrës bavareze: Nojer, Levandovski dhe s Muller. Për portierin, zgjatja përtej afatit aktual të caktuar në qershor 2023 është tashmë e sigurt, ndërsa për fatin e polakut, palët kanë vendosur të takohen në fund të sezonit. Asokohe do të zgjedhin bashkërisht nëse do t’i thonë lamtumirë njëri-tjetrit apo do të vazhdojnë së bashku. Ajo që tërheq vëmendjen është heshtja rreth pozicionit të sulmuesit gjerman, Thomas Muller, të cilit i skadon kontrata në vitin 2023. Pavarësisht një sezoni të vazhdueshëm prej 9 golash dhe 20 asistesh në 29 ndeshje të luajtura, nuk ka qenë kurrë në qendër të asnjë lloj diskutimi për rinovimin e mundshëm të kontratës. Ndërkohë, mbrojtësi Niklas Zyle është ndjerë i zhgënjyer për sjelljen e klubit dhe për mungesën e mbështetjes në drejtim të tij. Ai është kritikuar shumë në publik nga trajneri dhe nga drejtuesit e tjerë për formën jo të mirë fizike dhe për mungesën e profesionalizmit. Për këtë arsye, Zyle ka menduar të mos qëndrojë më pas përfundimit të kontratës. Gjithsesi, Bajerni është munduar që të bindë lojtarin Presidenti Hainer tha se i kishte ofruar Zyles personalisht një kontratë të re ku lojtari do të fitonte deri në 10 milionë euro në sezon. Por kjo ishte refuzuar nga gjermani për arsyet e lartpërmendura Barcelona kërkon ta ketë në skuadër pasi mendon të riformatojë mbrojtjen në sezonin e ri. Çelsi kërkon gjithashtu një lojtar për të zëvendësuar Antonio Rydigerin i cili nuk do të jetë më pjesë e skuadrës. Ky i fundit mund të vijë në Mynih dhe skenari i një shkëmbimi mes dy lojtarëve është i mundshëm.