SPAK para “provës së zjarrit”, avokat i njohur paralajmëron arrestimin e Edi Ramës, ja aferat ku dyshohet se është përfshirë kryeministri
Idajet Beqiri: Si e ngriti Flamur Noka mini-fabrikën në Greqi me valixhet me euro nëpërmjet dy njerëzve të tij të besuar nga Kukësi dhe Fieri që përfunduan në burg, ja detajet nga afera e madhe që ndodhet në duart e SPAK
Ja pse Grenell është lidhja e dyshes Berisha-Meta me Edi Ramën, si po i varin shpresat tek njeriu i Donald Trump për të shpëtuar nga sanksionet e SHBA duke shitur ishullin e Sazanit, Evi Kokalari nxjerr detajet e forta
Richard Grenell konfirmon pazaret Rama-Berisha për ishullin e Sazanit, ja detajet e marrëveshjes me dhëndrin e Donald Trump
Edi Rama pazare të pista me Vuçiç dhe Grenell për të ringjallur idenë e copëtimit të Kosovës, media gjermane plas “bombën”, ja çfarë fshihet pas investimit të dhëndrit të Donald Trump në ishullin e Sazanit
Gati lirimi i Sali Berishës dhe Jamarbër Malltezit nga burgu, ja çfarë përmban marrëveshja e Edi Ramës me “Rithemelimin”, nga shkatërrimi i SPAK dhe rrëzimi i ligjit të dekriminalizimit, te ngritja e komisionit anti-reformë
Ja çeta e grabitjes së pronave të ushtrisë, nga presidenti Bajram Begaj, te Xhaçka dhe Belinda Balluku, zbardhen shkeljet e rënda penale për interesat e oligarkëve, si u vendos në rrezik siguria kombëtare, operacionaliteti i Forcës Detare dhe detyrimet...
Katër atentate e plagosje në katër ditë ministrit të suksesshëm Taulant Balla, policia mbledh gëzhojat e ekzekutimeve
Briken Calja sërish në podium, medalje bronzi nga Botërori i Tajlandës
Shkruar nga SOT.COM.AL 22 Shtator 2019
Peshëngritja shqiptare regjistron suksesin e radhës. Ajo që pritej ndodhi realisht dhe për mirë. Shtangisti Briken Calja merr medalje nga Kampionati Botëror i Tajlandës. Shtangisti kuqezi u ngjit në pedanë dje pasdite në orën 16:00 me orën e Shqipërisë, në baterinë A të peshës trupore 73 kg, duke regjistruar dy prova të sakta në stilin e shkëputjes. Në fakt, Calja e nisi garën e tij me provën 151 kg, duke e kaluar pa probleme. Më pas ngriti në provën e dytë 156 kg, duke siguruar vendin e tretë në këtë stil, gjë që i dha Caljes medaljen e bronztë. Në këtë stil vendin e parë e zuri kinezi Zhijong Shi, që ngriti në 166 kg, pra 10 kg më shumë se Calja. Vendin e dytë në këtë stil e zuri bullgari Bozhidar Andreev, që ngriti 1 kg më shumë se Calja, pra 157 kg. Natyrisht gëzimi i trajnerëve Sokol Bishanaku e Zef Kovaçi të skuadrës tonë kombëtare dhe i presidentit të Federatës Shqiptare të Peshëngritjes Theodhor Masllavica, ishte i ligjshëm. Por suksesit në stilin e shkëputjes Calja nuk iu përgjigj si duhet në stilin e shtytjes. Ai ngriti me sukses 181 kg në provën e parë, duke mundësuar kështu klasifikimin në dygarësh, me 337 kg, një rezultat që e klasifikoi atë direk në vendin e pestë në renditje në Botërorin e Tajlandës. Briken Calja tentoi të ngrinte 188 kg në provën e dytë, por nuk ia doli e të njëjtën peshë nuk e realizoi as në provën e tretë, e cila do t’i kishte dhënë një vend të 3-të në dygarësh edhe në botë. Gjithsesi, në stilin e shtytjes Briken Calja zuri vendin e 13-të, një pozicion jo dhe aq komod për nënkampionin e Europës. sidoqoftë, peshëngritësi e kreu detyrën në dygarësh, me vendin e pestë, pozicion që e klasifikon atë për të marrë shpërblim sipas vendimit të qeverisë (VKM parashikon shpërblim për Botërorin deri në vend të gjashtë). Rezultati dhe performanca e Caljes janë në vazhdën e rezultateve dhe paraqitjeve të tij gjatë dy viteve të fundit, ku ai ka dalë një herë kampion e një herë nënkampion i Europës, me disa medalje ari e argjendi në kontinentin europian, ndërsa këtë herë radhitet edhe në top-5 të botës, një rezultat shumë i mirë. Për më tepër, me këtë rezultat, Briken Calja e ka të garantuar pjesëmarrjen në Lojërat Olimpike Verore “Tokio-2020”. Për ekipin tonë përfaqësues Calja ishte sportisti i parë që u ngjit në pedanë, nga katër sportistë gjithsej që ka delegacioni sportiv i shtangës tonë. Radha tani është e dy shangistëve elitarë, si Daniel Godelli dhe Erkand Qerimaj, të cilët do të garojnë në peshën trupore 81 kg dhe kanë ambicie të forta për zonën e medaljeve. Në fakt, Qerimaj ka ambicie të marrë sa më shumë pikë olimpike, kurse Godelli e ka shans të madh për të hyrë në top-6 që e kualifikojnë direkt në Olimpiadë. Janë dy sportistë që do të rivalizojnë edhe me njëri-tjetrin dhe është një rivalitet brenda llojit. I fundit nga ekipi ynë që garon në këtë Kampionat Botëror është Krenar Shoraj, i cili do të zbresë në garë në peshën 89 kg, me ambicie për një pozicion të mirë dhe për të përmirësuar rezultatet e tij. në fakt, ecuria e Shorajt gjatë garave të fundit ka qenë mjaft e mirë dhe nuk përjashtohen surprizat nga shtangisti kuqezi. Padyshim, ambiciet e peshëngritjes tonë janë që të kualifikohen në Olimpiadën e Japonisë vitin e ardhshëm me sa më shumë sportistë. I sigurt deri tani është vetëm Briken Calja, kurse Qerimajt e Godellit u duhet punë e fortë në këtë aktivitet që të sigurojnë sa më shumë pikë, me shpresën se mund t’ia dalin të shkojnë në “Tokio-2020”. Shenja e parë e një suksesi të rëndësishëm u dha dje, ku Calja jo vetëm u rendit në top-5 të botës, por rrëmbeu edhe një medalje bronzi që është një kulminacion i karrierës së tij. Tashmë, institucionet duhet të hapin “thesin” për shtangistët elitarë që po nderojnë Shqipërinë nga aktivitetet sportive.
Adriatik BALLA