Buskets mund të rinovojë për pak ditë kontratën me Barcelonën

Një nga mesfushorët më të mirë të futbollit në Europë, Serxhio Buskets, ka zhvilluar një takim me krerët e Barcelonës, për mundësitë e rinovimit të kontratës me klubin katalanas. Mësohet se Barça i ka ofruar kontratë dyvjeçare me vitin e dytë të marrëveshjes si opsion. Kapiteni do të përfitojë një paga neto me vlerë vetëm 3-4 milionë euro në vit, që do të thotë se do të pësojë ulje të ndjeshme. 34-vjeçari ka më pak se katër muaj të mbetur në kontratën aktuale me Barcelonën. Ksavi Hernandez synon ta mbajë kapitenin e tij edhe për një vit, pasi veterani mbetet një ingranazh i rëndësishëm në lojën e skuadrës. Megjithatë, ende nuk i është paraqitur një ofertë zyrtare futbollistit, i cili gjithashtu ka oferta nga Inter Miami dhe Al Nasr. Buskets ka luajtur 32 ndeshje në të gjitha garat për Barcelonën këtë sezon dhe ka dhënë tri pasime për gol. Ndryshimi i fundit i Ksavi me vendosjen e katër mesfushorëve qendrorë ka krijuar më shumë hapësira për kapitenin. Koha do të tregojë nëse Buskets është i gatshëm të pranojë një pagë të reduktuar dhe të qëndrojë në “Camp Nou” edhe për një vit futbollistik.