Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

De Light mbërrin tek Juventusi, Raiola: Është “mbret”, si Ibrahimoviç

Postuar: 18/07/2019 - 07:23

Juventusi do të jetë një superskuadër gjatë edicionit të ri. “Zonja e Vjetër” italiane ka bërë supergoditje në merkato, të paktën sa i takon emrave, kështu që pritet të bëjë një edicion shumë të fortë, ku përveçse të mbrojë titullin në Serie A italiane, do të tentojë të fitojë Ligën e Kampioneve. Për të siguruar trofeun juventinët kanë bërë blerje të forta e një ndër ta edhe Mathijs De Ligt, i cili mbërriti mbrëmjen e së martës në aeroportin e Torinos, ku u prit nga një numër i konsiderueshëm fansash, ndërsa dje zbarkoi në “J Medical”, për t’iu nënshtruar vizitave mjekësore, para se të hedhë firmën mbi kontratë dhe të nisë aventurën bardhezi. Në krah të mbrojtësit holandez ishte edhe menaxheri i tij, napolitani Mino Raiola, i cili nuk i kurseu elozhet për 19-vjeçarin, duke e quajtur të riun më të mirë në qarkullim, teksa bëri edhe një përshkrim sipas mënyrës së tij. “De Ligt ka personalitetin e Ibrës dhe mentalitetin e Pavel Nedved. Është i riu më i mirë në qarkullim, por i duhet ende shumë punë, për t’u bërë më i miri në botë. Megjithatë, Juventusi është vendi ideal për përmirësimin e De Ligt, pasi do të bashkëjetojë me dy kampionë si Kjelini dhe Bonuçi”, tha Raiola për mediat. Transferimi i 19-vjeçarit nga Ajaksi ishte shndërruar në një telenovelë të vërtetë këtë verë, pasi ndiqej nga klubet më të mëdha europiane, si PSG, Mançester Junajtid e Siti, Barcelona, etj, por në fund garën e fitoi Juventusi. Bardhezinjtë paguan 75 milionë euro në arkat e Ajaksit, ndërsa mbrojtësit i ofruan një kontratë 5-vjeçare që nis me 12.5 milionë euro në sezon dhe vjen në rritje, për të prekur shifrën e 22 milionë eurove, në vitin e pestë. Gjithashtu, në kontratën me De Ligt është përfshirë edhe një klauzolë për largimin e tij kundrejt 150 milionë eurove, por që bëhet aktive vetëm në verën e vitit 2022 e në vijim, pra pasi të jenë konsumuar 3 sezonet e para me fanellën bardhezi. Ndërkohë, nuk mjaftojnë largimet e De Jong dhe De Ligt, pasi Ajaksi këtë verë mund të humbasë një tjetër talent. Bëhet fjalë për David Neres, për të cilin Drejtori Sportiv i klubit, Overmars pranoi se ka një ofertë të rëndësishme, por pa e zbuluar emrin e ekipit. Ai theksoi se klubi dëshiron ta mbajë sulmuesin brazilian, i cili për meritë të trajnerit shpërtheu sezonin e kaluar, duke fituar edhe një vend në Seleçao. Largimi i Neres do të ishte një goditje e madhe për kampionët e Holandës dhe javën e ardhshme pritet të jetë gjithçka më e qartë lidhur me të ardhmen e 22-vjeçarit. Juventusi fitoi garën me Barcelonën dhe disa skuadra të tjera të mëdha të kontinentit për “yllin” holandez, ndërkohë që në sezonin e ri pritet të përballet me shumë rivalitet nga “ujqërit” e tjerë që ka në gjirin e “Zonjës së Vjetër” italiane, për shkak se të gjithë lojtarët kanë kualitet të lartë.

Adriatik BALLA

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 25/08/2019 - 21:22

Milan e ka nisur me humbje këtë sezon të ri futbollistik në javën e parë të Serie A, duke zhgënjyer tifozët.
 

Postuar: 25/08/2019 - 15:08

Pas 7 orësh festë, futbollisti Ëayne Rooney u fotografua duke hyrë në ashensorin e hotelit me një

Postuar: 25/08/2019 - 08:10

“The Reds”-at bënë një ndeshje perfekte, fitojnë 3-0 ndaj “Topçinjv

Postuar: 25/08/2019 - 08:08

Kategoria Superiore mbylli javën e parë të saj.

Postuar: 25/08/2019 - 08:07

Në shtator do të diskutohet e ndoshta do të miratohet në parlament një pjesë e rëndësishme e Ligj

Postuar: 24/08/2019 - 17:28

Nga Franca janë raportuar të reja të rëndësishme për Neymar.

Postuar: 24/08/2019 - 07:43

Një prej çështjeve më të nxehta të merkatos së verës, ajo që ka të bëjë me sulmuesin argjentinas