“Dhimbje e madhe”/ Humb jetën tragjikisht futbollisti i njohur 23-vjeçar, mes lotëve ekipi i tij jep lajmin e trishtë (EMRI)

Ekipi i Athletic Bilbao pas fitores mposhti 1-0 Elche ditën e djeshme në shtëpi, ka marrë një lajm tronditës.

Një nga futbollistët e klubit bask ka humbur jetën në moshë të re. Aitor Gandiaga ishte 23 vjeç dhe aktivizohej në rolin e sulmuesit të majtë.

Për të përfituar minuta dhe për t’u rritur, drejtuesit e Athletic e kishin huazuar te Gernika në Tercera Division. Gandiaga humbi jetën në një aksident rrugor.

Makina me të cilën udhëtonte u përplas me një autobus. Goditja qëlloi fatale për lojtarin bask dhe ikja e tij i ka trishtuar të gjithë në Spanjë.

“Dhimbje e madhe për humbjen e djaloshit tonë. Përqafime të mëdha për familjen, miqtë dhe kolegët e tij“, shkruan në Twitter Athletic Bilbao.