Disiplina vijon të ndëshkojë Flamurtarin, e pëson edhe Korabi në Kategorinë e Parë

Komisioni i Disiplinës i FSHF-së, në analizën që u bëri ngjarjeve negative e antisportive të ndodhura në kategori të ndryshme të futbollit shqiptar, mori edhe masa penalizuese për shkelësit e rregulloreve dhe të Kodit të Drejtësisë Sportive. Por klubi më i ndëshkuar duket qartë se është Flamurtari, me gjoba dhe me shumë ndeshje pezullim për disa lojtarë të klubit vlonjat. E kanë pësuar edhe Korabi e Burreli. Kështu, zyrtari i KF Burreli, Dorian Bubeqi, për sjellje josportive ndaj zyrtarëve të ndeshjes, dënohet me 8 (tetë) ndeshje pezullim nga të gjitha aktivitetet. Në aplikim të nenit 32/2/3 të KDS, vendoset pezullimi i pjesshëm i zbatimit të dënimit pas shlyerjes së gjysmës së tij. Periudha e pezullimit me kusht do të jetë 6 (gjashtë) muaj. Zyrtari i KF Burreli, Arjan Lleshaj, per sjellje josportive ndaj zyrtarëve të ndeshjes, dënohet me 8 (tetë) ndeshje pezullim nga të gjitha aktivitetet. Në aplikim të nenit 32/2/3 të KDS, vendoset pezullimi i pjesshëm i zbatimit të dënimit pas shlyerjes së gjysmës së tij. Periudha e pezullimit me kusht, do të jetë 6 (gjashtë) muaj. FK Tomori, për sjellje të gabuar të spektatorëve duke hedhur sende në terrenin sportiv dënohet me gjobë në masën 100.000 (njëqind mijë) lekë. Gjoba do të aplikohet në masën 50%.

Dënimet për Flamurtarin

Flamurtari FC, për sjellje të gabuar të spektatorëve duke hedhur sende në terrenin sportiv, dënohet me gjobë në masën 100.000 (njëqind mijë) lekë. Gjoba të aplikohet në masën 50%. Lojtari i Flamurtari FC, Behar Ramadani, për sjellje josportive ndaj kundërshtarit, dënohet me 3 (tre) ndeshje pezullim nga të gjitha aktivitetet. Lojtari i Flamurtari FC, Souza De Oliveira Odaildo, për sulm ndaj kundërshtarit, dënohet me 5 (pesë) ndeshje pezullim nga të gjitha aktivitetet. Lojtari i Flamurtari FC, Bardh Bylykbashi, për sulm ndaj kundërshtarit, dënohet me 5 (pesë) ndeshje pezullim nga të gjitha aktivitetet. Lojtari i Flamurtari FC, Ronaldo Disha, për sjellje josportive ndaj zyrtareve te ndeshjes, dënohet me 4 (katër) ndeshje pezullim nga të gjitha aktivitetet. Lojtari i Flamurtari FC, Andi Ribaj, për sjellje josportive ndaj zyrtareve te ndeshjes, dënohet me 4 (katër) ndeshje pezullim nga të gjitha aktivitetet. Zyrtari i Flamurtari FC, Shkëlqim Ramaj, për sjellje josportive ndaj zyrtarëve të ndeshjes, dënohet me 8 (tetë) ndeshje pezullim nga të gjitha aktivitetet. 11. Zyrtari i Flamurtari FC, Amadeo Di Latte, për provokim të publikut, dënohet me 2 (dy) ndeshje pezullim nga aktiviteti.

Penalitete edhe për Korabin

KS Korabi, për sjellje të gabuar të spektatorëve duke hedhur sende në terrenin sportiv dënohet me gjobë në masën 50.000 (pesëdhjetë mijë) lekë. Gjoba të aplikohet në masën 50%. Lojtari i KS Korabi, Antonio Tanushi, për sjellje josportive ndaj kundërshtarit dhe provokim të publikut dënohet me 3 (tre) ndeshje pezullim nga aktiviteti. Lojtari i KS Korabi, Henry Marku, për sjellje josportive ndaj kundërshtarit, dënohet me 2 (dy) ndeshje pezullim nga të gjitha aktivitetet.

Flamurtari gjen trajnerin e ri, Çela pason Longon në stol
Kuqezinjtë e Flamurtarit nuk kanë humbur kohë për përgatitjet e sezonit të ri 2023-2024 në Kategorinë e Parë. Bregdetarët arritën marrëveshjen me ish-trajnerin e Kastriotit, Emiliano Çela për të drejtuar skuadrën, me objektiv rikthimin në Superiore pas 4 vitesh mungesë. Lajmi u konfirmua në faqen zyrtare të klubit. Në këtë mënyrë, vlonjatët mbyllën bashkëpunimin me italianin Diego Longo. Çela i siguroi mbijetesën në Superiore skuadrës krutane në 2022, por këtë vit nuk ia doli.