Dy portugezë i bashkohen Barcelonës, Kancelo dhe Zhao Feliks bëhen “blaugrana”

Barcelona fitoi titullin kampion sezonin e kaluar dhe trajneri Ksavi Hernandez u pa si zgjidhje e duhur në kampin katalanas dhe klubi i ka rinovuar kontratën atij. Nga ana tjetër, Barcelona po bëhet përpjekje që të fitojë sa më shumë terren në raport me rivalin e saj të përjetshëm Realin e Madridit, por edhe me klubet e mëdha europiane në zonën Champions. Por që ta bëjë këtë i duhen blerje cilësore e për këtë klubi bëri goxha lëvizje edhe në merkaton e verës. Së fundmi erdhën edhe dy talente portugeze. Kështu, dyshja portugeze Zhao Feliks dhe Kancelo, të cilët ua huazuan të Barcelona për një vit nga Atletiko Madrid dhe përkatësisht Mançester Siti në ditën e fundit të merkatos verore, janë sfiduar nga i njohuri Deko, i cili i ka dhënë atyre disa sugjerime nëse dëshirojnë që të fitojnë kontratë afatgjate me Barcelonën dhe të transferohen te kjo skuadër. Drejtori i Barçës është pyetur nëse dy futbollistët duhet të bëjnë zvogëlim page për huazimet e tyre, me kampionin e La Ligës që nuk është në pozitë të mirë financiare për t’i ofruar kontrata joshëse futbollistëve të rinj. “Ata erdhën në minutën e fundit dhe ata janë futbollistë që mund të kontribuojnë shumë në skuadër. Ata duhet që t’i demonstrojnë aftësitë e tyre këtu. Barça ka aftësi që t’i frymëzojë ata. Ne presim shumë prej tyre, por sezoni do të na tregojë së si do të përparojnë ata”, tha Deko për gazetarët pas prezantimit zyrtar të Feliksit dhe Kancelos. “As Kancelo e as Zhao Feliks nuk e kanë opsionin e blerjes. Është thjesht transferim një vjeçar. Nëse ata do ia dalin mirë ne do të përpiqemi t’i mbajmë ata, është një huazim për momentin”. “Të gjithë duhet bëjnë përpjekje për të ardhur këtu. Nuk mund t’ua tregoj juve kontratat e futbollistëve, por La Liga imponon gjëra të ndryshme”, ka thënë ai kur është pyetur për pagat e futbollistëve. Deko është pyetur edhe për ish shokun e tij të skuadrës Lionel Mesi, i cili nuk ju ribashkua Barcelonës pasi u largua nga Paris San Zhermen. Argjentinasi shkoi në Inter Miami, por Deko nuk ka hatër mbetje për vendimin e tij final. “Leo është një shok. Unë e dua shumë. Tani flas më pak më të, për shkak se ai është larg”, tha ai. “Ne të gjithë dëshiruam ta kemi Leon por ishte e pamundur për shkak të situatës që ne të gjithë e dimë. Ai është futbollisti më i mirë në histori të klubit. Shoh që ai është i lumtur në Inter Miami. Si një tifozë i Barcelonës dhe Leos, i dëshiroj atij çdo të mirë”. Barcelona e Ksavit do të kthehet në aksion këtë javë në La Liga ku do të luan në La Liga, me Feliks e Kancelo që mund të debutojnë si titullar për herë të parë.