Çfarë ndodhi? Ylli i futbollit tërhiqet papritur, ja mesazhi ndaj drejtuesve të klubit

Ish-futbollisti i Real Madridit, Arsenalit dhe kampioni i botës me Gjermaninë në vitin 2014, Mesut Ozil, ka vendosur të tërhiqet nga futbolli i luajtur në moshën 34-vjeçare.

Sipas gazetarit turk Jakub Cinar, Ozil iu nënshtrua lëndimeve dhe njoftoi anëtarët e klubit se nuk do të vazhdonte të luante.

Ozil e filloi karrierën e tij te Schalke 04, ku luajti për një vit e gjysmë, më pas kaloi në stacionin e tij të radhës, Werder Bremen, për 5 milionë euro.

Me të Gjelbrit ai fitoi kupën e Gjermanisë në vitin 2009 dhe i çoi ata në finalen e Kupës UEFA. Pas dy vitesh në Gjermani, ai u transferua te Real Madrid në verën e vitit 2010.

Në Madrid ai fitoi kupën e Spanjës në sezonin 2010/11, kampionatin në sezonin 2011/12 dhe Superkupën e Spanjës.

Në verën e vitit 2013, ai u transferua te Arsenal – ku luajti për shtatë sezone, dhe ishte pjesë e fitimit të tre Kupave të FA, por nga ana tjetër, ai tregoi mjaft mungesë serioziteti dhe u trajtua ftohtë nga Topçinjtë.

Në verën e vitit 2020, ai u transferua në Turqi, ku luajti për Fenerbahçen për dy vjet. Më pas Ozil u transferua te Beshikta?.

Kujtojmë se ai gjithashtu bëri 92 paraqitje për kombëtaren gjermane.