Finalja e Kupës së Shqipërisë, përfundon pjesa e parë

Pjesa e parë e finales të Kupës së Shqipërisë mes Tiranës dhe skuadrës së Egnatias ka përfunduar.

Pas 45’ minutave lojë të zhvilluara në stadiumin “Air Albania”, Tirana dhe Egnatia ende nuk e kanë gjetur golin e parë në finalen e kësaj gare.

Të dy skuadrat kishin rastet e tyre për ta gjetur golin, por që Lika i Tiranës dhe Sherri i Egnatias arritën të mbajnë portat e tyre të paprekura.

Gjyqtari i ndeshjes, Jorgji Enea kishte punë gjatë kësaj pjese të parë duke ndarë dy kartonë të verdhë për Tiranën (Najdovski – minuta e 11’ dhe Qefalija – minuta e 19’), dhe dy kartonë të verdhë për Egnatian (Mellugja – minuta e 4’ dhe Laurentino – minuta e 34’), ndërsa me karton të kuq e ndëshkoi futbollistin e Tiranës, Elvi Berishan.

Tirana gjendet me një lojtar më pak në fushë që prej ndëshkimit të Berishës me të kuq qysh në minutën e 25’. Pjesa e parë mbyllet me rezultat të barabartë 0:0.