BREAKING NEWS

Gati të fundoset grupi organizator i biznesit të armëve në Gërdec, prokurorët pritet të marrin në duar faktet nga Drejtësia Amerikane, nisen letër-porositë në SHBA, informacione do të merren edhe për Patrick Henryn, ja lidhja e tij me Delijorgjin dhe S...

Gati të fundoset grupi organizator i biznesit të armëve në
x
BREAKING NEWS

Daut Gumeni: Ja pse socialistët dhe Gentiana Sula bllokuan hapjen e dosjes së spiunit të Ilir Metajt, presim që ‘shiringa me ujë deti’ që u injektoi zyrtari i lartë i DASH prokurorëve të SPAK të sjellë arrestimin e ‘peshave të rënda’

Daut Gumeni: Ja pse socialistët dhe Gentiana Sula bllokuan hapjen e dosjes
x
BREAKING NEWS

Plas skandali, Kuvendi i Shqipërisë vihet nën akuzë për votimin pa kuorum të ligjit për Investimet Strategjike, ja si u shkallmua Kushtetuta nga mazhoranca, zbardhet mashtrimi

Plas skandali, Kuvendi i Shqipërisë vihet nën akuzë për
x
BREAKING NEWS

Pasuria e dyshimtë e “sheikut” të Kuvendit Laert Duraj që sfidon “ujqërit” e vjetër në politikë, banesë 200 mijë euro, 11 llogari bankare, fitime marramendëse nga qeratë, 180 mijë euro shitje pasurish, si i ka justifikuar milionat nga puna si emigrant,...

Pasuria e dyshimtë e “sheikut” të Kuvendit Laert Duraj
x
BREAKING NEWS

Ja pazaret e PS dhe Rithemelimit, si po mbrojnë korrupsionin e Klodian Allajbeut dhe Vilma Nushit, vjedhjet me “Hemodializën”, “Check Up”-in, “Laboratorët” dhe “Sterilizimin” janë të faktuara, priten arrestimet nga SPAK

Ja pazaret e PS dhe Rithemelimit, si po mbrojnë korrupsionin e Klodian
x
BREAKING NEWS

Rama-Berisha ngrenë komision për të shkatërruar SPAK dhe Reformën në Drejtësi, ja pazaret e reja të “non-gratës” me kryeministrin për të bllokuar arrestimet

Rama-Berisha ngrenë komision për të shkatërruar SPAK dhe
x
BREAKING NEWS

Plas skandali i Portit të Vlorës, ja si iu falën Samir Manes 57 mijë metra katror tokë, të implikuar 2 ministra, SPAK merr në dorëzim padinë për megaoligarkun e qeverisë

Plas skandali i Portit të Vlorës, ja si iu falën Samir Manes 57
x
BREAKING NEWS

Gazetarja e njohur paralajmëron arrestime të bujshme në ditët në vijim, ja disa nga dosjet “përvëluese” që po heton SPAK dhe skema që ndoqën agjentët e BKH për të arrestuar Jorgo Goron, kryebashkiaku në detyrë i Himarës u përgjua 4 muaj rresht me metod...

Gazetarja e njohur paralajmëron arrestime të bujshme në
x

Sport

Fino akuza Bashës për ndërhyrje në zgjedhjet e FSHF: Po i bën presion gjykatës për regjistrimin e shoqatave

Fino akuza Bashës për ndërhyrje në zgjedhjet e FSHF: Po i

Gara për presidentin e Federatës Shqiptare të Futbollit po merr ngjyra rivaliteti të fortë, pasi politika dhe këtë herë nuk qëndroi larg institucioneve sportive. Duke akuzuar njëri-tjetrin, dy rivalët kryesorë në garë, Armand Duka dhe Bashkim Fino, kanë konstatuar te kundërshtari mbështetje të caktuar politike, ku interferojnë përplasjet pozitë-opozitë si në çdo institucion tjetër. Pas akuzave të vazhdueshme në adresë të Dukës, se ka krijuar shoqata sportive “fantazmë”, që nuk janë të regjistruara në gjykatë dhe që përbëjnë shkelje juridike, dje kandidati rival i Dukës, Bashkim Fino, lëshoi akuza të forta në adresë të Partisë Demokratike he kryetarit të saj, Lulzim Basha, duke i kërkuar të mbajë duart larg nga ky proces dhe të mos ushtrojë presion te Gjykata e Tiranës, që sipas Finos ka marrë presion nga kreu i opozitës për të regjistruar shoqatat sportive rajonale dhe ato të brendshme të FSHF-së. Në fakt, presioni më parë ka qenë mbi vetë Finon, i cili shihej si kandidaturë politike nisur nga funksionet që ai ka si deputet i Partisë Socialiste dhe si mbajtës i disa funksioneve në parti. Edhe pse dha dorëheqjen nga funksionet partiake, Fino nuk e ka lëshuar mandatin e deputetit dhe kundërshtarët e tij besojnë se ai gëzon mbështetjen e kryeministrit Edi Rama, ku akuzat e opozitës kanë qenë prej ditës së parë që Fino shpalli kandidaturën se Edi Rama po kap futbollin. Dje situata ishte e kundërt, pasi Fino akuzoi Lulzim Bashën për presione ndaj gjyqtarëve, duke e komplikuar dhe më tej garën për kreun e FSHF-së dhe duke i dhënë zgjedhjeve në asamblenë e Federatës Shqiptare të Futbollit një ngjyrim politik të skajshëm.

Qëndrimi i Finos

Fino ka mbajtur një status në llogarinë e tij në facebook, ku fton liderin e Partisë Demokratike Lulzim Basha të reflektojë dhe të heqë dorë nga presionet ndaj Gjykatës së Tiranës, teksa i mëshon sërish faktit se shoqatat kanë qenë të paligjshme dhe nuk mund të regjistrohen në këtë moment, me nxitim dhe sipas tij për t’i dhënë votë të sigurt Dukës. “Jam i shqetësuar nga informacionet që më vijnë së fundmi, që nga Partia Demokratike dhe kreu i saj ka pasur presion te Gjykata e Rrethit Gjyqësor Tiranë, për të ndikuar te gjyqtarët mbi regjistrimin sa më të shpejt të Shoqatave të futbollit, të cilat kanë votuar dhe janë anëtarësuar në mënyrë ilegale në Federatën Shqiptare të Futbollit. U kërkoj publikisht si Partive Politike, ashtu edhe organeve gjyqësore, që të jenë sa më të pavarur dhe të qëndrojnë larg përfshirjes në abuzimet ilegale të Federatës Shqiptare të Futbollit”, shkruan Fino.

Duka në Nion, enigmë përmbajtja e bisedave me zyrtarët e UEFA

Mësohet se presidenti në detyrë i federatës dhe njëherësh kandidati favorit për të marrë një mandat të pestë në krye të federatës, Armand Duka, ndodhet në UEFA, por takimet e tij me zyrtarët e institucionit qendror të futbollit europian nuk janë bërë të ditura deri më tani. I vetmi reagim i UEFA-s për zgjedhjet në FSHF ka qenë ai i drejtorit të komunikimit në UEFA, Pedro Pinto, i cili i kujtoi klasës politike në Shqipëri të mbajë duart larg nga futbolli, duke cituar edhe nenin përkatës të statutit të UEFA-s që zgjedhjet e federatave të futbollit duhet të jenë jashtë ndikimit politik në mënyrë të prerë. Në të kundërt rrezikohet përjashtimi i federatës. Natyrisht, Duka ndodhet në Zvicër së fundmi dhe për çështjen e Skënderbeut, i cili e ka çuar çështjen e titullit të hequr në Gjykatën e Arbitrazhit Sportiv të Lozanës, një tjetër çështje e mprehtë për ekuilibrat në kampionat dhe që prek drejtpërdrejt kreun e federatës Duka. Mbetet të shihet se cilat do të jenë lëvizjet e radhës të Armand Dukës, por vizita e tij e fundit në Zvicër, tek selia e UEFA-s, pikërisht në këtë periudhë kur fushata për presidentin e federatës është në kulmin e saj, është mjaft domethënëse. UEFA është e ndjeshme kur është fjala për ndërhyrjet politike dhe nuk i pranon ato, prandaj një sinjal i tillë mund të alarmojë UEFA-n e cila mund të shtojë vigjilencën e saj për zgjedhjet në federatën tonë. 

Adriatik BALLA