Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Flamurtari mbyll merkaton me Erjon Vucaj

Flamurtari mbyll merkaton me Erjon Vucaj

Postuar: 13/08/2014 - 08:59

Merkato e Kategorisë Superiore ka hyrë në fazën e saj finale dhe klubet po nxitojnë të bëjnë blerjet e nevojshme brenda afati zyrtar që është data 31 gusht. Natyrisht kjo datë është afat përfundimtar për regjistrimin lojtarëve në federatë, por se klubet blerjet e tyre i konkretizojnë ditë më parë, për më tepër që kampionati kombëtar i Superligës këtë herë do të nisë në mesin e muajit gusht dhe klubeve u duhen përforcimet ende pa ardhur fundi i muajit. Pas ardhjes dhe prezantimit të brazilianit Gilberto, një sulmues cilësor e me potencial që i jep vlera skuadrës vlonjate të Flamurtarit për sezonin e ri, në Vlorë do të prezantohet edhe Erjon Vucaj, një nga futbollistët cilësorë të kampionatit tonë, që ka luajtur për disa vite me Laçin dhe ka spikatur si një lojtar me potencial të madh. Me ardhjen e Vucajt Flamurtari rrit vetvetiu shanset për titull, sidomos për të fituar Superkupën e Shqipërisë përballë Skënderbeut javën e ardhshme.
 
Lëvizja
 
Flamurtari bën goditjen e radhës, duke afruar në skuadër kapitenin e Laçit, Erjon Vucaj. Vlonjatët kanë arritur të afrojnë në gjirin e tyre një nga futbollistët më të mirë të kampionatit shqiptar në vitet e fundit, duke mbuluar në këtë mënyrë boshllëkun e lënë nga largimi i ish-kapitenit Hair Zeqiri në drejtim të Kukësit. Në këtë mënyrë kuqezinjtë kanë përmbushur dhe një dëshirë disa vjeçare të tyre, pasi emri i Vucajt me klubin e Flamurtarit është lakuar gjithmonë në periudhat e transferimeve. 23-vjeçari ka firmosur një kontratë 2-vjeçare, termat financiarë të së cilës nuk bëhen të ditur, edhe pse mendohet që shkodrani të përfitojë dyfishin e shumës që merrte në sezon tek klubi kurbinas. Me bardhezinjtë e Laçit, Vucaj fitoi statusin e heroit dhe beniaminit të tifozerisë, duke qenë inspiruesi kryesor në arritjet historike të klubit, siç është fitimi i Kupës së Shqipërisë në 2013, por edhe sigurimi i pjesëmarrjes në Europa League dy sezone, falë pozicionimit në vendin e tretë në kampionat. Pas aventurës Europiane me Laçin, Vucaj tentoi kalimin në Poloni tek Ruch Chorzov, transferim që u sfumua në mënyrë të papritur vetëm pak përpara firmës në kontratë. Me afrimin e Vucajt, tashmë Flamurtari sistemon përfundimisht repartin e mesfushës, që ashtu si sezonin e kaluar mbetet arma më e fortë e tyre, duke pasur në përbërje emra si Telushi, Lena, Muzaka dhe Gilman Lika. Burime brenda klubit bëjnë të ditur se afrimi i Vucajt mbyll merkaton në hyrje, duke larguar çdo thashethem transferimi tek kuqezinjtë. Adriatik BALLA
 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 26/03/2019 - 19:40

Të gjithë tifozët e Juventusit kanë qenë në ankth për të mësuar më shumë rreth dëmtimit të Kristiano Ronaldos, që ditën e djeshme u largua nga fusha e lojës në minutën e 30-të të sfidës me Portugalisë dhe Serbisë, s

Postuar: 26/03/2019 - 16:52

Ish-trajneri i Kombëtares shqiptare Gianni de Biasi është pranë rikthimit në detyrë si trajner.

Postuar: 26/03/2019 - 16:43

Ndahet nga jeta Ali Mema, një nga legjendat e futbollit kombëtar, protagonist me 17 Nëntorin e fa

Postuar: 26/03/2019 - 16:03

Të dielën në mbrëmje në NBA është shënuar një nga koshat më të bukur në historinë e basketbolli

Postuar: 26/03/2019 - 11:20

 Çudia më e madhe e negociatave për të gjetur trajnerin e ri të përfaqësueses shqiptare ka q

Postuar: 26/03/2019 - 10:44

Përfaqësuesja e Kosovës u ndal në barazim 1-1 ndaj Bullgarisë, në një ndeshje ku “Dardanët&

Postuar: 26/03/2019 - 07:33

Futbollistët e Kombëtares shqiptare nuk kanë mundur të lahen pas ndeshjes së fituar 3-0 me Andorr