Gati të fundoset grupi organizator i biznesit të armëve në Gërdec, prokurorët pritet të marrin në duar faktet nga Drejtësia Amerikane, nisen letër-porositë në SHBA, informacione do të merren edhe për Patrick Henryn, ja lidhja e tij me Delijorgjin dhe S...
Daut Gumeni: Ja pse socialistët dhe Gentiana Sula bllokuan hapjen e dosjes së spiunit të Ilir Metajt, presim që ‘shiringa me ujë deti’ që u injektoi zyrtari i lartë i DASH prokurorëve të SPAK të sjellë arrestimin e ‘peshave të rënda’
Plas skandali, Kuvendi i Shqipërisë vihet nën akuzë për votimin pa kuorum të ligjit për Investimet Strategjike, ja si u shkallmua Kushtetuta nga mazhoranca, zbardhet mashtrimi
Pasuria e dyshimtë e “sheikut” të Kuvendit Laert Duraj që sfidon “ujqërit” e vjetër në politikë, banesë 200 mijë euro, 11 llogari bankare, fitime marramendëse nga qeratë, 180 mijë euro shitje pasurish, si i ka justifikuar milionat nga puna si emigrant,...
Ja pazaret e PS dhe Rithemelimit, si po mbrojnë korrupsionin e Klodian Allajbeut dhe Vilma Nushit, vjedhjet me “Hemodializën”, “Check Up”-in, “Laboratorët” dhe “Sterilizimin” janë të faktuara, priten arrestimet nga SPAK
Rama-Berisha ngrenë komision për të shkatërruar SPAK dhe Reformën në Drejtësi, ja pazaret e reja të “non-gratës” me kryeministrin për të bllokuar arrestimet
Plas skandali i Portit të Vlorës, ja si iu falën Samir Manes 57 mijë metra katror tokë, të implikuar 2 ministra, SPAK merr në dorëzim padinë për megaoligarkun e qeverisë
Gazetarja e njohur paralajmëron arrestime të bujshme në ditët në vijim, ja disa nga dosjet “përvëluese” që po heton SPAK dhe skema që ndoqën agjentët e BKH për të arrestuar Jorgo Goron, kryebashkiaku në detyrë i Himarës u përgjua 4 muaj rresht me metod...
Genc Tomori: Luçiono Moxhi do të ndërtojë Partizanin kampion
Shkruar nga SOT.COM.AL 21 Korrik 2017
Skuadra e Partizanit pas shkarkimit nga detyra të Sulejman Starovës ka mbetur pa trajner, ndërsa Luçiano Moxhi ka piketuar pasardhësin e stolit të kuq teksa pritet të zbarkojë në kryeqytet Mark Juliano. Ky i fundit është një njohje e vjetër e “Big Luçianos” pasi Juliano ka luajtur si mbrojtës në radhët e bardhezinjve, ndërkohë pas emërimit të trajnerit pritet të nisë edhe një merkato cilësore për Partizanin. Deri tani nga ekipi janë larguar disa lojtarë, duke nisur nga sulmuesi italo-ganez Ekuban, argjentinasi Torrasa, kosovarët Labinot Ibrahimi dhe Mentor Mazrekaj si dhe mesfushori i ekipit shpresa Ramadani. Në lidhje me zhvillimet tek 15 herë kampionët e vendit ka folur për mediat edhe ish-drejtori i Partizanit , Genc Tomori, i cili është rikthyer sërish si pjesë e stafit të nënkampionëve. “Arkitekt i merkatos është Moxhi, kjo ka dy muaj. Moxhi e njeh ekipin sepse ishte prezent në 5-6 ndeshje të kampionatit të kaluar, plus që ishte prezent në ndeshjet e Kupave të Europës. E pa gjendjen e Partizanit dhe them që ai do të jetë arkitekti i Partizanit si me zgjedhjen e trajnerit, ashtu edhe me marrjen e lojtarëve. Moxhi është një njohës i vjetër i menaxhimit, ai do e ketë kompetencën e plotë që të ndërtojë një Partizan që të jemi për kampionë.”, është shprehur Tomorri në lidhje me merkaton e Partizanit dhe emërimin e trajnerit të ekipit. Nga ana tjetër, ish-drejtuesi i Partizanit, pas dy kampionateve radhazi të humbur pothuajse në fund të garës, ku polemikat nuk kanë munguar, ka folur edhe për përgjegjësitë që duhet të marrë secili në klub nga presidenti deri tek lojtarët dhe drejtuesit e klubit. Vetëm në këtë mënyrë, tifozët e kuq mund të shohin që ëndrra e tyre për tu shpallur kampion të Kategorisë Superiore pas 23 vitesh mund të bëhet realitet . “Megjithëse këtë vit zumë vendin e dytë, nuk jemi të kënaqur, pasi kishim pretendime për vendin e parë. Por, po ta shohim kampionatin, gjithmonë faji i mbetet klubit, sepse klubi është kryesor. Pastaj problemet e arbitrave, etj… janë çështje pak anësore, por gjithmonë ndikojnë te një ekip për marrjen ose jo të kampionatit. Por, prapë e prapë jemi ne ata që e udhëheqim atë vit kampionatin. Padyshim që çdo lëvizje e re sjell edhe ndryshim. Shpresoj dhe besoj që do të jemi ne kampionë për edicionin e ri.”, është shprehur Genc Tomorri.