Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Gjetan Keta fiton titullin botëror, shpartallon në 5 raunde sllavin Janjanin

Postuar: 09/09/2018 - 07:53

“Duel në themel”, u quajt mbrëmja magjike e boksit në Dibër të Madhe, qytet shqiptar në Maqedoni, një mbrëmje spektakolare me duele boksi të nivelit të lartë. Në kuadër të “Vitit të Skënderbeut”, u organizua një ndeshje e madhe boksi për titull botëror midis Gjetan Ketës dhe sllavit Janjanin, dy pretendentë të denjë për gjerdanin e WBU-së. Në një stadium të tejmbushur në kapacitetin e tij maksimal, para duelit kryesor u zhvilluan disa ndeshje të forta të vëllezërve Keta dhe “nxënësve” të tyre me kundërshtarë të ndryshëm europianë. Spektakli ishte i garantuar në çdo ndeshje dhe takimet patën nivel të lartë. Midis ndeshjeve pati këngë e valle me ritme të Dibrës dhe të Shqipërisë, një folk modern i shkëlqyer, që kulmoi me këngën dibrane të Hajredin Pashës të kënduar nga Aurela Gaçe. Para se të zhvillohej dueli i madh i Gjetan Ketës dhe sllavo-boshnjakut Janjanin ishte radha e një prej boksierëve të dinastisë Keta të provonte entuziazmin e fuqishëm të sportdashësve, Ferit Keta, që zhvilloi katër raunde mbresëlënëse ndaj kundërshtarit tij turk Fatih Mehmet Karaguz, duke e fituar takimin me nokaut teknik pas raundit të katërt. Si pasojë e goditjeve të marra në ije dhe në kokë, rivali i tij turk dukshëm më i madh në peshë u detyrua të tërhiqet, duke mos e vijuar dot ndeshjen e kështu që Ferit Keta u shpall fitues, duke regjistruar një fitore të madhe dhe duke thelluar rekordet e tij në boksin profesionist, ku shumicën e takimeve i ka fituar me nokaut. Në fundin e mbrëmjes magjike të boksit në pallatin e sportit në Dibër të Madhe erdhi radha e Gjetan Ketës të zbresë në ring. “Tajsoni shqiptar” i mbuluar me ngjyrat kuqezi dhe nën tingujt e kolonës zanore triumfatore “Skënderbeu”, ngriti në këmbë mijërat e të pranishmëve në pallatin e sportit. Ai u fut në ring me vetëbesim dhe krenari, përballë një boksieri jashtëzakonisht të përgatitur e shumë të fuqishëm. Ndeshja filloi e fortë dhe me goditje e kundërgoditje. Ishte duel i shpejtë, me gjuajtje “rrufe”. Në raundin e parë pati një barazim të spikatur të boksierëve që më shumë studiuan lojën e njëri-tjetrit, teksa pati dhe mjaft goditje të pasakta. Por Gjetani e mori veten shpejt në raundin  dytë, duke kaluar në ofensivë dhe i dha kundërshtarit goditje të forta në ije e në mjekër, duke e lëkundur në një moment në ring, aq sa u krijua ideja se Janjanin po rrëzohej, duke bërë që spektatorët të ngriheshin në këmbë. Në raundin e tretë performanca e Ketës erdhi akoma më në rritje dhe kjo u pa me goditje të shumta të sakta me të majtën si në ije dhe në kokë, duke e lëkundur disa herë në ring boksierin boshnjak Janjanin, i cili rezistoi duke mos u rrëzuar në tokë, falë një strategjie vrapimi në ring, duke u shmangur vazhdimisht nga dyluftimi. Raundi i katërt ishte thuajse absolut për Gjetan Ketën që e rrëzoi në tapet rivalin e tij, nëpërmjet një kryqëzimi grushtesh të shpejtë. Gjyqtari numëron dhe Janjanin ngrihet pa i mbushur dhjetë sekonda. Ka sërish duel të fortë por boshnjaku tenton vazhdimisht të devijojë duelin. Raundi mbyllet për Gjetanin, ndërsa në prag të raundit të pestë stafi i Janjanin nxjerr pretendime, duke vonuar nisjen e lojës, diçka e papranueshme. Por gjyqtari dha arsyetimet e tij dhe nisi raundi i pestë që sërish ishte i mirë e në favor të Gjetanit, por jo kaq agresiv sa raundi paraardhës. Në momentin që pritej nisja e raundit të gjashtë, rivali Janjanin tërhiqet nga gara, duke e pasur të pamundur të vazhdojë më tej, kështu që Gjetan Keta fitoi me nokaut teknik duelin e tij për titull botëror në WBU. Ky ishte një prej sukseseve më të rëndësishme të karrierës së tij por edhe për trajnerin e njëherësh vëllain e tij Ismail Keta. Mbi të gjitha, mbrëmë fituan sportdashësit shqiptarë që ndoqën një eveniment sportiv madhështor në Dibër të Madhe, ku shpirti luftarak shqiptar spikati me gjithë madhështinë e tij.  

Adriatik BALLA

 

/Agjensia e Lajmeve Sot News/

Na Beni Like Ne Facebook: 
You voted 3. Total votes: 4

Lajme nga e njejta kategori

Postuar: 22/09/2018 - 18:55

Sot u zhvilluan disa nga ndeshjet e javës së gjashtë në kuadër të Premierligës angleze, ku Liverpooli e vazhdoi ecurinë e fitoreve në Premierligë.Liverpooli e ka shënuar fitoren e gjashtë radhazi kundër Southamptonit,

Postuar: 22/09/2018 - 18:08

Pas problemeve shëndetësore, trajneri legjendar i Manchester United, Sir Alex Ferguson të cilin R

Postuar: 22/09/2018 - 17:45

 Parma udhëheq ndaj Cagliarit me rezultatin 2-0.

Postuar: 22/09/2018 - 17:23

Federata Shqiptare e Futbollit ka reaguar në lidhje me arrestimin e ish portierit Armir Grima,

Postuar: 22/09/2018 - 16:02

Në një intervistë për franceze L’Equipe, Joey Barton e krahason Neymar me Kim Kardashian ku

Postuar: 22/09/2018 - 07:34

Liverpuli mundi Paris Saint Germain 3-2 në ndeshjen e parë në grupin C të Ligës së Kampioneve, du

Postuar: 22/09/2018 - 07:29

Partizani është ekip për titull.