Golashënuesit më të mirë në Europë, kryeson Haland, ndjekin Mbape e Kejn

Kampionatet e ndryshme në Europë po shkojnë drejt fundit dhe klubet po bëjnë përpjekjet e fundit të tyre për të realizuar objektivat. Natyrisht që ka skuadra që lakmojnë titullin dhe pjesëmarrjen në Champions apo në kompeticion të tjera të UEFA-s, por ka dhe klube që synojnë të mbeten në elitë, duke shfrytëzuar kohën për të marrë maksimumin e tyre. Në planin individual duket se më të fituarit janë ata që fitojnë trofe me ekipet e tyre, por edhe lojtarët që kanë statistika sportive më të mira dhe për këtë sezon, në listën e golashënuesve nuk ka patur rivalitet të theksuar, pasi norvegjezi Erling Haland bën diferencë me golat e tij tek Mançester Siti, e po ashtu është një lojtar që shifrat i ka theluar ndjeshëm dhe vështirë se ia merr kush poltronin e golashënuesit më të mirë të sezonit, pra “Këpucën e Artë” për këtë vit. Dihet që për kampionatet kryesore europiane koeficienti i pikëve për gol është 2, por për ligat me cilësi më të dobët një gol vlerësohet 1.5. Kjo është një tjetër pikë e rëndësishme, pasi rivaliteti në këtë rast bëhet kryesisht me lojtarët që luajnë në top-5 ligat e mëdha europiane. Norvegjezi ka shënuar shumë, por edhe rivalët e tij. E megjithatë, askush nuk krahasohet me Haland. Pra janë vetë mediat sportive dhe kritikët, që e shohin Erling Haland shumë afër që ta fitojë “Këpucën e Artë” për herë të parë në karrierën e tij. Sulmuesi norvegjez nuk luajti mbrëmë në fitoren ndaj Çelsit, por futbollisti i Mançester Sitit ka avantazh të lartë ndaj kundërshtarëve. Ndërkohë, Kilian Mbape e ka arritur Herri Kejn, me të cilin tash e ndan vendin e dytë falë dygolëshit të shënuar ndaj Okser. Sulmuesi i Totenhemit dhe ai i Paris SG i kanë realizuar nga 28 gola, që përkthehen me 56 pikë, ndërsa Haland i ka realizuar 36 gola dhe i ka 72 pikë. Vazhdon të shënojë edhe Aleksandre Lakazet i Lionit, i cili është i katërti në renditje, i ndjekur nga Robert Levandovski i Barcelonës, i cili iu afrua Viktor Osimhenit të Napolit, njëjtë si Jonathan David i Lilës. Renditja e Këpucës së Artë- 1. Erling Haland (Mançester Siti) 72 pikë, 2. Herri Kejn (Totenhem) 56, 3. Kilian Mbape (Paris SG) 56, 4. Aleksandre Lakazete (Lion) 52, 5. Viktor Osimhen (Napoli) 46, 6. Robert Levandovski (Barcelona) 44, 7. Jonathan David (Lilë) 44, 8. Enner Valencia (Fenerbahçe) 42, 9. Ivan Toney (Brentford) 40, 10. Folarin Balogun (Reims) 40, 11. Habib Diallo (Strasburg) 40, 12. Lautaro Martinez (Inter) 40.