Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Grezdën s’e mbajnë nervat në Skoci, Memushaj “mjeshtër” tek Peskara

Postuar: 21/09/2019 - 07:26

Lojtarët shqiptarë që luajnë në kupat e Europës, po bëjnë një paraqitje me luhatje të theksuara, duke mos pasur qëndrueshmëri, ndërsa shumë të tjerë po e “shijojnë” aktivitetin nga stoli. Sidoqoftë, ka prej atyre që janë në fazën e grupeve si Strakosha, Xhaka e ndonjë tjetër, por edhe futbollistë që nuk po kalojnë një moment të mirë me skuadrat e tyre dhe një prej tyre është sulmuesi Eros Grezda, i cili po jep prova se është në krizë besimi. Janë vetë mediat britanike që shkruajnë se Eros Grezda po kalon një nga momentet më të vështira në karrierën e tij duke qenë se gjërat nuk po i ecin mirë në Skoci. Futbollisti i kombëtares është bërë së fundmi protagonist për keq në kampionatin skocez, aty ku aktivizohet me skuadrën e të rinjve të Rejnxhërsit. Në ndeshjen përballë Balimenës, Grezda ishte titullar dhe luajti deri në 10 minutat e fundit, ndërkohë që ka krijuar edhe një situatë aspak të këndshme. Në pjesën e dytë të takimit, Grezda ka pështyrë në fytyrë kundërshtarin e tij, gjë e cila ka sjellë jo pak reagime në fushë, si edhe jashtë saj. Zëdhënësi për shtyp i Rejnxhërsit, u shpreh se do të hetohet e gjithë situata dhe më pas do të merret një vendim për sulmuesin shqiptar i cili me shumë gjasa do të dënohet për veprimin e bërë. Ndërkohë, në përfundim të ndeshjes, Grezda e ka vazhduar sërish inatin e tij duke mos pranuar që t’i japë dorën kundërshtarit. Ai që ka qetësuar disi situatën dhe ka treguar vlerat e tij, ka qenë kapiteni i të rinjve të Rejnxhërsit, Greg Doçerti i cili ka shkuar në drejtim të dhomave të zhveshjes së kundërshtarit. Ai iu ka kërkuar falje futbollistëve kundërshtarë për veprimin e bërë nga Grezda dhe më pas është rikthyer në dhomën e tij.

Memushaj flet me statusin e “liderit” tek Peskara

Ndërsa Grezda ka probleme serioze me vetëbesimin dhe kontrollin e nervave, në Itali ka jjë futbollist që është lider i skuadrës dhe falë eksperiencës së tij bën diferencën. Ai është vlonjati Ledian Memushaj, i cili po kalon një formë të mirë dhe shihet si lideri i vërtetë i Peskarës. Në fakt, Memushaj dështoi me skuadrën e tij që këtë sezon të ngjitej në Serinë A italiane dhe do të luajë edhe një tjetër vit në B. Në një intervistë të dhënë për mediat italiane, mesfushori i Kombëtares ka bërë një analizë të kampionatit si edhe ka folur për rivalët e Peskarës. “Do të luajmë me Entelën me respektin më të madh sepse për derisa është ngjitur kaq lart, do të thotë se ka merita. Për ta ne do të jemi një kundërshtar shumë i fortë dhe kërkues. E përsëris që do të kemi shumë respekt, por ne jemi Peskara. Përveç Entelës, po bën edhe Benevento mirë por kjo nuk është surprizë duke parë mënyrën se si është ndërtuar dhe çfarë stafi ka. Natyrisht potenciali nuk shfaqet menjëherë ashtu si edhe Frozinone, që do edhe pak kohë”, u shpreh Memushaj.

Hysaj sërish në stol, Napoli po kthehet një makth

Ndërsa Memushaj po shijon momentin e mirë me Peskarën në Serinë B, një tjetër futbollist i Kombëtares po vuan në Serie A. Elseid Hysaj e ka lënë pas lodhjen fizike që kishte dhe problemet me muskujt të pak ditëve më parë. Ai mungoi në kampionat ndërkohë që nuk u grumbullua as në Ligën e Kampionëve nga trajneri Karlo Ançeloti në ndeshjen kundër Liverpulit. Këtë javë, Napoli luan përballë Leçes dhe duket se as këtë ndeshje ai nuk do të jetë pjesë e formacionit. Mediat italiane raportojnë se trajneri Ançeloti i ka premtuar shkodranit dhe do të ketë minuta të mjaftueshme në kampionat duke qenë se sezoni sapo ka nisur. Fakti që Hysaj sapo është riaftësuar, e ka bërë Ançelotin që të mos e rrezikojë duke parë edhe kalendarin e ngjeshur të këtyre javëve. Ai do të jetë në stol dhe me shumë gjasa, mund të ketë pak minuta në pjesën e dytë të takimit. Hysaj pra është në udhëkryq tek Napoli dhe në merkaton e janarit do të tentojë sërish të largohet.

Adriatik BALLA

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 23/10/2019 - 07:26

Liga e Kampioneve u kthye mbrëmë me duelet e xhiros së tretë të saj, ku spikatën fitoret e skuadrave të mëdha, ku Bajerni, Siti dhe Paris San Zhermen bëjnë një hap drejt kualifikimit.

Postuar: 23/10/2019 - 07:24

Kombëtarja luajti dy ndeshje mjaft të mira në tetor, në kuadër të eliminatoreve të Euro-2020, në

Postuar: 23/10/2019 - 07:23

Teuta ndodhet në vend të parë në Superiore, me meritë, duke grumbulluar 15 pikë në 8 javët e para

Postuar: 22/10/2019 - 08:26

Atletja, Luiza Gega na ka përfaqësuar denjësisht ku ka arritur që të dalë e treta në garën 3000m

Postuar: 22/10/2019 - 07:34

Juventusi ka bërë ndryshime në lojë krahasuar me kohën kur drejtonte Masimiliano Alegri, ndërkohë

Postuar: 22/10/2019 - 07:33

Një nga futbollistët e Kombëtares kuqezi që është angazhuar fuqishëm në këto eliminatore të Europ

Postuar: 22/10/2019 - 07:31

Kampionati do të vijë me një valë ndeshjesh të ngjeshura në këtë periudhë, pasi do të luhen dy xh