"I bëri krenarë të gjithë shqiptarët"/ U shpall kampione Europe, vogëlushët shkruajnë për Luiza Gegën në detyrat e klasës (Foto)

Disa fëmijë kanë pasur detyrë me shkrim të përgjigjen se kush është sportisti/ja e tyre e preferuar, ku shumë prej tyre kanë shkruar për kampionen Luiza Gega. 

Vetë sportistja Gega postoi në rrjetet sociale foto nga fletoret e nxënësve ku shkruanin për të, e ku theksonin se sportistja i ka bërë shqiptarët krenarë.

Me shumë dashamirësi ajo i ka ndarë këto në "story"-n e saj, ku tregon se si disa fëmijë, kur u është kërkuar të flasin për sportistin e tyre të preferuar, ata kanë përshkruar Luizën. 

"Luiza Gega është sportistja ime e preferuar. Ajo krenoi Shqipërinë duke bërë garën e vrapimit dhe duke marrë çmimin e parë.  Mua më pëlqen Luiza Gega, sepse ajo ishte shumë e shpejtë dhe ia arriti qëllimit të saj për të marr çmimin e parë, dhe bëri krenarë gjithë shqiptarët”, ka shkruar një nxënës.

“Ju dua, sa e lumtur ndihem”, shkroi Gega krahas fotografive që ka postuar.