Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

I pathyeshme Laçi bie ndaj Teutës, Kukësi përmbys Kastriotin

Postuar: 21/10/2018 - 07:55

Kategoria Superiore luajti dje dy ndeshjet e para të javës së nëntë të saj, ku nuk munguan surprizat. Natyrisht, kjo është java e fundit e fazës së parë dhe është koha e bilanceve, ndoshta këtë kishte menduar edhe Teuta që shpërtheu dje në Elbasan kundër Laçit me tre gola, duke i shkaktuar disfatën e parë skuadrës kurbinase, e cila ishte e pamposhtur deri dje, sepse në tetë javët e para kishte marrë vetëm rezultate pozitive. E ndërsa teuta fitoi dhe iu afrua kryesuesve, një tjetër skuadër vuajti jo pak për të marrë trepikëshin dhe bëhet fjalë për Kukësin e Armando Cungut, që mundi Kastriotin në një duel mjaft të vështirë, por një sukses që e ngjit Kukësin në vend të tretë.

Ndeshjet

Dita e djeshme ishte në fakt me fakt për ekipet udhëtuese. Kukësi me shumë vështirësi triumfoi 1-2 me përmbysje në transfertën e Fushë-Krujës ndaj Kastriotit vendas, ndërkohë që Teuta në fushën asnjanëse të “Elbasan Arenës” i shkaktoi humbjen e parë sezonale Laçit të Mërgjyshit që në 8 javët e para ishte skuadra e vetme që nuk e njihte shijen e disfatës. Në stadiumin “Redi Maloku” në Fushë-Krujë, ku Kastrioti luan ndeshjet si skuadër pritëse në këtë sezon, u luajt një sfidë shumë e bukur me Kastriotin që zhbllokoi shifrat në minutën e 21-të me brazilianin Roxher të cilin e ka huazuar pikërisht nga skuadra verilindore. Gjithsesi, në fillimin e pjesës së dytë i njëjti lojtar humbi shansin ideal për të dyfishuar shifrat duke gabuar nga 11 metra distancë me Frashërin që priti penalltinë. Po nuk shënove do të pësosh dhe një minutë më pas në të 55-ën kapiteni i verilindorëve Ylli Shameti barazoi shifrat. Fati nuk ishte me Kastriotin që goditi dhe shtyllën ndërsa pas rastesh të shumta të shpërdoruara nga të dyja skuadrat, në minutën e 84-ët braziliani Uilliam Kordeiro Melo realizoi golin e tij të parë me fanellën e Kukësit duke i dhënë fitoren skuadrës së Cungut në këtë transfertë delikate me Kukësin që u rikthye te fitorja pas dy humbjesh radhazi. Një fitore të madhe arriti Teuta ndaj Laçit me rezultatin 0-3 në Elbasan Arena, një ndeshje që u kushtëzua nga kartoni i kuq që mori sulmuesi i kurbinasve Xhixha që në minutën e 3-të pas një ndërhyrjeje të rëndë. Në pjesën e parë për Teutën realizuan Amadu Latif dhe Gerhard Progni ndërsa sulmuesi afrikan realizoi edhe golin e dytë personal në minutën e 72-të duke vulosur fitoren e skuadrës së Shkëmbit që u ngjit në kuotën e 14 pikëve.

Plori jep dorëheqjen: Kastriotit i duhet një trajner i ri

Pas humbjes së djeshme të Kastriotit ndaj Kukësit, trajneri Elvis Plori dha dorëheqjen, duke argumentuar edhe arsyen pse skuadrës krutane i duhet një trajner i ri në këtë moment. “Është shprehja që fati ndihmon më të mirin. Kukësi ka kualitete dhe nuk ia zbeh dot forcë. Nëse bëj analizë të lojës, këtu nuk ishte e drejtë thënia pasi ne kishim bërë një vendosje perfekte në pjesën e parë. Vetëm, aftësitë individuale e lejuan Kukësin të dilnin para ndërsa si grup i zbehëm. Duke ditur shpejtësinë dhe teknikën e Roxherit ishim mirë. Nëse do të shënonim penalltinë do të merrte loja tjetër rrjedhë. Ishte mungesa e eksperiencës dhe emri që vijmë nga kategoria e parë që ndikoi. Me Kastriotin e kam mbyllur, nuk më ka humbur besimi. Ka ardhur koha që ta mbyll pasi nuk është vetëm loja e mirë dhe lidhjet me presidentin. E bëra edhe një hap para 3 javësh dhe nuk ma pranuar por këtë radhë kam bërë me kokën time pasi duhet ndryshim. Një fytyrë e re në stol bën mirë ndoshta”, tha Plori. Ndërkohë, sot do të luhen dy ndeshje të tjera të javës së nëntë, ku Partizani pret në kryeqytet Luftëtarin në një duel ku ka shanse maksimale për të marrë tri pikë që e konfirmojnë në krye të renditjes, ndërsa në Korçë, Skënderbeu vendas do të presë Kamzën, një rival në krizë si pasojë e rrogave të prapambetura.

Adriatik BALLA

 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 19/03/2019 - 17:05

Trajneri legjendar i Manchester United, Sir Alexx Ferguson nuk njihet vetëm për karrierën e tij por edhe për çamçakëzin që ai përdorte gjatë ndeshjeve dhe që e përtypte pa pushim.

Postuar: 19/03/2019 - 15:40

UEFA ka caktuar arbitrat e ndeshjes Shqipëri-Turqi.

Postuar: 19/03/2019 - 13:10

Kombëtarja shqiptare nuk po kalon një moment pozitiv.
 

Postuar: 19/03/2019 - 11:56

Interi tani duhet të heqë qafe të përkëdhelurin Mauro Ikardi i cili vazhdon të jetë i përjashtu

Postuar: 19/03/2019 - 11:37

Kukësi ka marrë sot një vendim drastik teksa ka shkarkuar nga detyra, trajnerin Armando Cungu.

Postuar: 19/03/2019 - 09:52

Xherdan Shaqiri është larguar ditën e djeshme nga kombëtarja e Zvicrës.

Postuar: 19/03/2019 - 08:24

Interi arriti të fitonte ndaj Milanit në derbi, duke i marrë edhe vendin e tretë.