Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Ibrahimoviç nuk do të kalojë tek Milani, lëvizjen e bllokon klubi amerikan i LA Galaksi

Postuar: 09/11/2019 - 07:23

Një nga futbollistët më të mirë të dy dekadave të fundit, është padyshim Zlatan Ibrahimoviç, një lojtar me të dhëna të shkëlqyera, që ka shkëlqyer me të gjitha ekipet ku ka luajtur dhe një goleador i rrallë. Prej dy vitesh ndodhet në Shtetet e Bashkuara të Amerikës, ku është bashkuar me Los Anxheles Galaksi në Major League Soccer, pra kampionatin elitar të futbollit në këtë vend, duke spikatur si bomber i skuadrës së tij dhe duke joshur mijëra vetë që shkojnë në stadium në çdo ndeshje që luan shtatlarti suedez. Ditët e fundit Ibra ka qenë në fokusin e medieve më të mëdha sportive në Europë dhe në SHBA, pasi lidhej me një kalim sensacional tek Milanji në Serinë A. Rikthimi nuk ishte mohuar as nga vetë lojtari suedez dhe kjo kishte shtuar dyshimin e mjaftueshëm dhe të arsyeshëm që suedezi mund të rikthehej në Serinë A, atje ku ai ka shkëlqyer me fanellat e Juventusit, Interit dhe Milanit, para se të provonte aventurat franceze me PSG dhe ato angleze me Mançester Junajtid. Por shumë gjëra duken të jenë “fake” në lidhje me sulmuesin. “Zlatan Ibrahimoviç e ka mbyllur marrëveshjen dhe do të rikthehet tek Milani!” Ky ishte lajmi që ngriti peshë zemrat e tifozëve kuqezi. “Bomba” e merkatos erdhi drejtpërdrejt nga SHBA dhe jo nga një njeri i zakonshëm, por nga komisioneri i MLS, Don Gorber, por duket se ka zgjatur shumë pak ëndrra e fansave të Milanit për ta riparë Ibrën me fanellën e 7 herë kampionëve të Europës. Përgënjeshtrimi nuk ka vonuar dhe ai që ka shuar entuziazmin ka qenë zv.presidenti ekzekutiv i repartit të komunikimit në MLS, Don Kurtmanç, ai që ka sqaruar se fjalët e Gorber janë keqkuptuar. Kurtmanç, nëpërmjet rrjeteve sociale, ka theksuar se në intervistën e Gober nuk është diskutuar mbyllja e marrëveshjes, por dëshira e madhe e Milanit për ta ripasur në skuadër, kjo nuk është diçka e re. 38-vjeçari është në shënjestrën e Bobanit e Mladinit, ashtu siç është edhe në listën e dëshirave të disa klubeve, mundësia e rikthimit të suedezit nuk përjashtohet, por, për momentin, asgjë nuk është e sigurt. Ibrahimoviç u aktivizua për dy sezone tek Milani nga viti 2010 në 2012, duke fituar një titull kampion dhe një Superkupë, përpara se klubi kuqezi, për të përmirësuar bilancet, vendosi që kartonin e tij ta shiste tek PSG. Theksojmë se Ibrahimoviç ka një karrierë brilante si golashënues, duke qenë nga më të spikaturit. Për të ka pasur dhe një “bast” më parë, pasi kudo ku shkonte ai shënonte të paktën 20 gola në sezon, shifër që e kanë sulmuesit më të mirë në qarkullim të top-5 ligat e mëdha europiane të futbollit. Dhe Ibrahimoviç ka mundur të shënojë nga 20 gola në sezon për shumë vite me radhës, e me të gjitha skuadrat ku ka luajtur, statistika që e bëjnë atë mjaft të veçantë.

Adriatik BALLA

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 14/11/2019 - 12:23

Shtypi italian i ka kushtuar një hapësirë të veçantë Shqipërisë ditën e sotme, dhe më konkretisht rreth çështjes së inaugurimit të stadiumit “Arena Kombëtare”, ditën e dielë ndaj Francës.

Postuar: 14/11/2019 - 07:26

Dueli i Juventusit me Milanin i dha “Zonjës” tri pikë të vështira në Torino, por të n

Postuar: 14/11/2019 - 07:24

Kukësi llogaritej në fillim të sezonit si skuadër favorite për të fituar titullin, nisur nga kual

Postuar: 14/11/2019 - 07:23

Taulant Xhaka ka refuzuar të grumbullohet me Kombëtaren kuqezi.

Postuar: 13/11/2019 - 22:51

Ish-sulmuesi i Kombëtares, Roland Luçi, ka sjellë edhe njëherë në kujtim ngatërrimin e himnit të

Postuar: 13/11/2019 - 17:22

Erling Haaland është 19 vjeç dhe ka shënuar 26 gola në 18 ndeshje të sezonit 2019-2020, duke tërh

Postuar: 13/11/2019 - 15:26

Eros Grezda, lojtari i Kombëtares shqiptare, ka reaguar pas konferencës për shtyp të Edi Rejës.