Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Icardi gol Milanit në minutën 90′, Inter fiton Derbin e Madoninës

Postuar: 21/10/2018 - 23:09

Mauro Icardi ishte heroi i Interit në derbin e Milanos, pasi një gol i tij në kohën shtesë i dhuroi fitoren zikaltërve, në një ndeshje që deri në momentin e golit nuk dhuroi shumë emocione.

Në pjesën e parë Interi ishte dominues por nuk arriti të gjente golin. Pas vetëm 13 mintuash lojë Interit i anulohet një gol për një pozicion jashtë loje të Icardit, i cili befasohet nga vendimi i gjyqtarit. Zikaltërit përpiqen që të shtyjnë përpara dhe rrezikojnë sërish me Ivan Perisic, i cili përpiqet të devijojë në kuadrat një krosim në zonë, por Donnarumma largon topin në goditje këndi.

Në të 30’, Interi humbet Radja Nainggolan, i cili u dëmtua pas një përplasjeje me Lucas Biglia. Belgu rrezikon seriozisht praninë në fushë kundër Barcelonës të mërkurën në “Camp Nou”, pasi ka ndrydhur kaviljen.

Vecino shpërdoron një mundësi të mirë në të 34’ kur edhe pse brenda zonës e dërgon topin mbi traversë, ndërsa Icardi bën të njëjtën gjë, por me kokë 7 minuta më vonë. Tre minuta para fundit të pjesës së parë është Milani që shënon me anë të Musaccios, por goli me kokë i argjentinasit gjithashtu anulohet për pozicion jashtë loje.

Në pjesën e dytë Handanovic dhe Donnarumma ishin më tepër spektatorë, pasi sulmet respektive treguan mungesë të theksuar idesh. Por në minutën e 92-të ishte Icardi që siguroi trepikëshin për zikaltërit, kur pas një krosimi në zonë të Vecinos kërceu mbi mbrojtësit kundërshtarë dhe goditi saktë me kokë falë edhe një daljeje amatore të Donnarummas nga kuadrati.

Një fitore që e ngjit Interin në vend të tretë mbi Lazion, 2 pikë pas Napolit dhe 6 pas Juventusit. Ndërsa Milan mbetet në gjysmën e dytë të klasifikimit.

/Agjensia e Lajmeve Sot News/

Na Beni Like Ne Facebook: 
Total votes: 5

Lajme nga e njejta kategori

Postuar: 12/11/2018 - 22:17

Ish-tekniku i Kombëtares Shqiptare të futbollit, Xhani De Biazi ka surprizuar edhe njëherë me deklaratat e tij për shqiptarët.De Biazi ishte i pranishëm në mbrëmjen për 120 vjetorin e Federatës Italiane të Futbollit,

Postuar: 12/11/2018 - 20:36

Një futbollist në Kolumbi është sulmuar teksa po lëvizte me makinë.

Postuar: 12/11/2018 - 18:22

Santiago Solari do të vazhdojë të drejtojë Real Madridin, jo në mënyrë të përkohshem, por ta

Postuar: 12/11/2018 - 17:38

Armando Duka është braktisur dhe nga një tjetër njeri i besuar i tij.Largimi ka të bëjë sërish në

Postuar: 12/11/2018 - 17:25

Milan është përballur me “armikun” e vjetër Juventus, ku këta të fundit kanë fituar m

Postuar: 12/11/2018 - 12:00

Max Verstappen është shfaqur i tërbuar me Esteban Ocon ditën e djeshme, pasi ky i fundit i hoqi n

Postuar: 12/11/2018 - 09:50

Sulmuesi i Milanit, Gonzalo Higuain, kërkoi falje për kartonin e tij të kuq kundër Juventusit, po