Gati lirimi i Sali Berishës dhe Jamarbër Malltezit nga burgu, ja çfarë përmban marrëveshja e Edi Ramës me “Rithemelimin”, nga shkatërrimi i SPAK dhe rrëzimi i ligjit të dekriminalizimit, te ngritja e komisionit anti-reformë
Ja çeta e grabitjes së pronave të ushtrisë, nga presidenti Bajram Begaj, te Xhaçka dhe Belinda Balluku, zbardhen shkeljet e rënda penale për interesat e oligarkëve, si u vendos në rrezik siguria kombëtare, operacionaliteti i Forcës Detare dhe detyrimet...
Katër atentate e plagosje në katër ditë ministrit të suksesshëm Taulant Balla, policia mbledh gëzhojat e ekzekutimeve
Spartak Ngjela: Serbët u infiltruan në Shqipëri në vitet ’92-’97 me ndihmën e qeverisë “Berisha” dhe u investuan për të shkatërruar ekonominë e vendit, ja dosja e ‘nxehtë’ që është mbuluar nga pluhuri i harresës dhe si SPAK mund të çojë pas hekurave 2 ...
16 vite nga masakra e “Gërdecit”, ja të fshehtat tronditëse të aferës së fabrikës së vdekjes, në “lojë” ishin 10 miliardë dollarë, nga zhdukja e dëshmitarëve, te kërcënimet e Shkëlzenit për Luan Hoxhën për t’i mbyllur gojën dhe alibitë e Berishës për t...
Nga zbërthimi i bisedave sekrete, te skema që ndoqi kreu i ARRSH për të përfituar miliona euro nga kompania e tij që e deklaroi të shitur, zbardhen të tjera detaje nga arrestimi i Evis Berberit dhe dy biznesmenëve, ja çfarë u zbulua nga celularët e sek...
Pas Ogerta Manastirliut, edhe Belinda Balluku drejt dorëheqjes dhe prangave, ja të gjitha skandalet ku është përfshirë zv/kryeministrja
Idajet Beqiri plas “bombën”, Flamur Noka dhe Luçiano Boçi shkuan në Janinë me një thes me para, ja personazhi misterioz që takuan për të goditur kundërshtarët e Sali Berishës në Tiranë, zbardhen pazaret
Jurgen Klop mbetet në premier League, rinovon kontratën me Liverpulin për 5 vjet
Shkruar nga SOT.COM.AL 14 Dhjetor 2019
Ai fitoi Ligën e Kampioneve sezonin e kaluar dhe ishte tekniku më i mirë i zgjedhur nga FIFA dhe nga “France Football”. Padyshim që gjermani Jurgen Klop ka arsye të gëzohet, pasi e ka shndërruar Liverpulin në një makineri golash e fitoresh, aq sa në këto 12 muajt e fundit thuajse asnjë skuadër nuk është në gjendje t’i bëjë ballë. Dhe pas këtyre sukseseve e meriton një vëmendje të shtuar rreth karrierës së tij e dje erdhi lajmi i madh që ishte në ballinën e medieve më të fuqishme sportive në Europë dhe më gjerë. Kështu, nga mediat angleze mësohet se Jurgen Klop, trajneri i mrekullive te Liverpuli zgjat zyrtarisht bashkëpunimin me “The Reds”. Klop është shpërblyer nga drejtuesit e Liverpul për punën e shkëlqyer që ka zhvilluar gjatë këtyre viteve të fundit, pasi ka rinovuar zyrtarisht kontratën me kampionët në fuqi të Europës deri në verën e vitit 2024. Triumfi në Champions por edhe ecuria fantastike gjatë dy sezoneve të fundit në kampionat sidomos gjatë këtij edicioni me Liverpulin që kryeson Premier League me 8 pikë më shumë se Leicester i vendit të dytë, kanë bërë që gjermanit t’i propozohet një marrëveshje e re pasi kontrata e mëparshme i skadonte në verën e vitit 2022. Nga kontrata e re Klop do të bëhet edhe një nga trajnerët më të paguar në qarkullim ndërkohë që bie poshtë edhe hipoteza që trajneri aktual i “The Reds” të marrë drejtimin e Gjermanisë në të ardhmen, pasi Klop do të jetë i lidhur me Liverpulin edhe për 5 vitet e ardhshme. Klop përveç rinovimit me Liverpulin në orët e fundit është vlerësuar nga Premier League edhe si trajneri më i mirë i muajit nëntor. Liverpuli pritet ta transferojë futbollistin japonez, Takumi Minamino, në afatin kalimtar të janarit. Sulmuesi i Red Bull Salzburgut, që ka rënë në sy duke luajtur kundër Liverpulit në Ligën e Kampionëve, do të jetë në dispozicion për vetëm 8.5 milionë euro, shifër që figuron në klauzolën për lirim në kontratën e tij me klubin austriak. Transferimi potencial i tij tregon se Jurgen Klop dhe skuadra e tij e këshilltarëve po largohen nga transferimet e mëdha – si me rastin e Alisonit, Virgjil van Dajkut dhe po shkon në drejtim të pazareve mendjemprehta. Klopit i duhej një portier i klasit botëror dhe një qendërmbrojtës i madh dhe kështu shpenzoi para të mëdha për të transferuar dyshen. Rezultatet ishin të menjëhershme, ndërsa Liverpuli fitoi Ligën e Kampionëve stinorin e kaluar. Në afatin kalimtar të verës, Klop u paraqit i kënaqur me skuadrën që kishte. Ai e bëri të qartë se më nuk do të transferojë lojtarë të shtrenjtë, por se do të shikojë në treg për lojtarë të së ardhmes. Me këtë në mendje Liverpuli transferoi dy talente, Sep Van den Bergun dhe Harvi Eliotin; të dy kanë luajtur për skuadrën e parë tashmë. Në janar duket se Klop po planifikon të bëjë të njëjtën gjë. Dhe misionet e tij përmbushen gjithmonë me sukses.
Adriatik BALLA