BREAKING NEWS

Deputetët e PS i përgjigjen Metës dhe kërkojnë hetim nga SPAK për presidentin, i kujtojnë bllokun 700 mijë euro dhe reformën në drejtësi

Deputetët e PS i përgjigjen Metës dhe kërkojnë hetim
x

Sport

Juventus vuan dhe humb përballë Portos, e mban në lojë goli i Kiezës

Juventus vuan dhe humb përballë Portos, e mban në lojë goli

“Zonja e Vjetër” humbi 2-1 duelin e parë me portugezët dhe vë në rrezik objektivin për kualifikim. Fitore me përmbysje e Dortmundit ndaj Seviljes

Porto e shokoi Juventusin që në startin e takimit, pasi realizoi golin e epërsisë në minutën e 2-të me anë të Mehdi Taremit, i cili shfrytëzoi si duhet gafën e një mbrojtësi që nuk pastroi zonën si duhet dhe pasi e zotëroi topin ia doli ta dërgojë atë në rrjetë, duke u dhënë portugezëve një avantazh të rëndësishëm që në hapje të ndeshjes. Për minuta të tëra loja sulmuese e Juves nuk gjen hapësira në mbrojtjen e ngjeshur të portugezëve. Vendasit kishin zgjedhur kundërsulmin si armën e tyre më të fortë dhe kësaj i trembej “Zonja e Vjetër” italiane. Madje aksionet e portugezëve ishin më të rrezikshme dhe ata disa herë iu afruan golit. Në minutën e 34-t, një dëmtim detyroi Kjelinin të linte fushën dhe në vend të tij aktivizohet Demiral. Rasti më i mirë i Juves erdhi në minutën e 41-të, pas një krosimi në zonë nga e djathta dhe topi u godit prej Rabiot, por portieri i Portos bëri mrekullinë duke grushtuar dhe evituar një gol të sigurt. Pjesa e parë mbyllet në epërsi të portugezëve 1-0. Menjëherë sapo nisi pjesa e dytë Juventusi e pësoi keq. Në minutën e 46-të, Musa Marega shënoi golin e dytë për Porton, duke i dhënë një goditje të fortë “Zonjës” italiane. Porto është më e qartë në veprimet e saj dhe derdh më shumë djersë për rezultatin. Por italianët kanë përvojë në takime të tilla dhe pas shumë përpjekjesh arrijnë të ngushtojnë rezultatin në minutën e 82-të. Rabiot jep pasimin e fundit për Kiezën dhe ai tund rrjetën, duke rikthyer Juven në objektiva. Por s’ka gola të tjerë. Juventusi i ka shpresat tek ndeshja e kthimit pas dy javësh. Ndërkohë, Sevilja u përball mbrëmë në 1/8 e finales me Borusian e Dortmundit. Sevilja ishte me fat në minutat e para të ndeshjes, pasi mundi të gjente golin e epërsisë shumë shpejt, që në minutën e 7-të, me anë të Susos, i cili shfrytëzoi si duhet hapësirën e krijuar në mbrojtjen e skuadrës gjermane, duke u treguar i saktë në veprimet e tij. por me kalimin e minutave Dortmundi e mori veten dhe nisi ta kontrollojë si duhet lojën dhe në një nga aksionet e tij mjaft precize, arriti të dalë tek goli, i cili u shënua në minutën e 20-të nga Mahmud Dahud, pas asistimit perfekt të Erling Halandit. Pas këtij goli gjermanët marrin superxhiro dhe avancojnë në sulm. Pas disa përpjekjesh, në minutën e 27-të, nga një asistim i Xhedon Sanço, norvegjezi Haland shënon golin e dytë, duke përmbysur kështu Seviljen brenda 20 minutash. Dortmundi vijoi të mbajë ritëm të lartë në pjesën e parë dhe në minutën e 43-të, pas veprimeve të bukura të Marko Rojs, sfera përfundon tek Haland që nuk fal dhe shënon golin e tretë për gjermanët. Pjesa e dytë ishte në balancë të plotë, ku Dortmundi u kujdes të menaxhonte rezultatin, ndërsa Sevilja shtoi forcën sulmuese. Në minutën e 84-t, me asistimin e Oskar, De Jong shënoi golin e dytë për spanjollët, duke e hapur ndeshjen. Por në fund fitojnë gjermanët 3-2, që bëjnë një hap drejt kualifikimit.