Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Juventusi starton me fitore “in extremis”, Ronaldo nuk lë gjurmë

Postuar: 19/08/2018 - 08:12

Juventusi fitoi dje me shumë vështirësi 3-2 ndaj Kievos, në transfertë, një fitore që erdhi në sekondat e fundit të ndeshjes dhe që siguroi një trepikësh me mjaft vlerë për “Zonjën e Vjetër” në këtë start të Serisë A italiane. Ishte një ndeshje mjaft e vështirë, ku Kievo ishte në epërsi 2-1 deri në minutat e fundit, por Juventusi, falë kualitetit dhe besimit në vetvete, si dhe eksperiencës, ia doli ta përmbysë “in extremis”, duke fituar 3-2. Në këtë ndeshje zhgënjeu vetëm njëri, blerja e bujshme e yllit portugez, mister 105 mln eurosh Kristiano Ronaldo. Në fakt, debutimi i Ronaldos me Juventusin nuk rezultoi ashtu siç e kishin ëndërruar tifozët bardhezinj. Disa shkëndija të yllit portugez që vunë në provë Sorrentinon por asnjë gol dhe asgjë më shumë në ndeshjen e parë të 5-herë fituesit të “Topit të Artë” në Serinë A, me CR7-ën që u bë gjithashtu protagonist negativ në një episod dhe për pak sa nuk i hoqi fitoren nga duart kampionëve të Italisë. Shumë vuajte për Juven në sfidën hapëse të sezonit 2018-2019 por në fund bardhezinjtë u larguan nga “Bentegodi” i Veronës me 3 pikë. Një fitore 3-2 me përmbysje përballë Kievos që trembi seriozisht skuadrën e Alegrit por Juventusi ia doli të merrte maksimumin në javën e parë të Serisë A edhe pse me shumë vështirësi. Nisi në dishezë sfidat për piemontezët të cilët zhbllokuan shifrat pas vetëm 3 minutave lojë me mesfushorin gjerman Sami Khedira. Bardhezinjtë iu afruan edhe golit të dytë gjatë minutave në vazhdim dhe kishin në kontroll lojën deri në momentin kur një krosim i Xhiakerinit gjeti kokën e sulmuesit polak Stepinski i cili me një godite perfekte me kokë nuk i dha asnjë shans për të reaguar bashkëkombasit të tij Szczesny. Goli i Kievos në minutën e 38-të riktheu besimin te skuadra veroneze. Vendasit e nisin pjesën e dytë me një tjetër ritëm dhe në minutën e 56-të gjetën epërsinë me ishin Emanuele Xhiakerini i cili kthehu në gol një 11-metërsh të fituar nga vetë ai pas faullit të Kancelos. E gjendur në disavantazh Juvja nuk kishte më çfarë të humbiste dhe u hodh e gjitha në sulm. Pas disa tentativave të Ronaldos që morën kundërpërgjigjen e Sorrentinos mendoi Banni i Chievos për të barazuar shifrat me këtë të fundit që për të mos lënë Bonuçin të godiste kapi i pari topin por për fatin e keq të tij e dërgoi në portën e Kievos duke shkaktuar autogol. Barazimi i dha një tjetër shtysë Juventusin me Mandzukiç që pak minuta para fundit të kohës së rregullt gjeti edhe golin e përmbysjes së shifrave por me ndërhyrjen e sistemit VAR, gjyqtari Paskua mori vendimin për ta anuluar golin për një faull të Ronaldos ndaj Sorrentinos. Megjithatë, në minutën e 93-të Bernardeski i ardhur në fushë nga stoli gjeti devijimin deçiziv duke i dhënë tre pikët e para në këtë sezon kampionëve në fuqi të Italisë, me Juven që e nisi me një sukses të vështirë rrugën drejt mbrojtjes së titullit. /Adriatik BALLA

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 20/09/2019 - 20:21

Cristiano Ronaldo, u maskua si një person tjetër, dhe doli në qendër të Torinos për të luajtur me njerëzit që ishin aty.ronaldo-torino

Postuar: 20/09/2019 - 19:25

Sulmuesi danez Kasper Dolberg u transferua nga Ajaksi i mrekullive që gjeti gjysmëfinalen e Champ

Postuar: 20/09/2019 - 17:40

Forma e dobët që Real Madrid po kalon gjatë muajve të fundit ka shtuar zërat për një shkarkim të

Postuar: 20/09/2019 - 17:17

E ardhmja e Eros Grezdës te Rangers është më e paqartë se kurrë.
 

Postuar: 20/09/2019 - 15:50

Një tjetër goditje ka ardhur për ekipin e Kamzës nga Federata Shqiptare e Futbollit.

Postuar: 20/09/2019 - 08:14

Ka marrë fund misteri i gruas që i jepte ushqim Cristiano Ronaldos pas ndeshjes.

Postuar: 20/09/2019 - 07:27

Humbja ndaj Paris San Zhermenit në UEFA Champions League, me shifrat e pabesueshme 3-0, e ka vend