Kalendari i Superiores/ Titulli, Europa dhe mbijetesa përcaktohen në fund, ja kur luhet java e 36

Java e 35 e “Abissnet Superiore”, ka ngatërruar jo pak situatat për sa i përket verdikteve të sezonit dhe vetëm në javën e fundit, do të përcaktohet ekipi kampion, skuadra e katërt që shkon në Europë si edhe një skuadër që bie e tjetra që përfundon në “Play Off”.

Java e 36 e Superiores që është njëkohësisht edhe java e fundit për këtë sezon, do të luhet ditën e hënë, në datën 29 maj. Të gjitha ndeshjet do të nisin në orën 16:00 dhe pritet që të ketë takime mjaft interesante.

Partizani i vendit të parë do të presë në shtëpi Teutën, ndërkohë që Tirana udhëton në Durrës për t’u përballur me Erzenin. Bylisi shpreson ende në mbijetesë dhe përballë do të ketë Vllazninë që sheh nga Europa. Kukësi do të udhëtojë në drejtim të Rrogozhinës, aty ku e pret Egnatia që ka blinduar vendin e tretë në klasifikim. Laçi që sheh nga Europa, pret në shtëpi skuadrën e Kastriotit që ka rënë zyrtarisht nga Kategoria.

16:00 Partizani – Teuta
16:00 Erzeni – Tirana
16:00 Egnatia – Kukësi
16:00 Bylis – Vllaznia
16:00 Laçi – Kastrioti