Kategoria Superiore, Partizani përballë Teutës, Vllaznia sfidon Bylisin

Pas 2 javësh pushim, këtë të shtunë rikthehet Superliga Shqiptare me ndeshje të forta dhe që mund të vendosin shumë për fatin e sezonit. Vëmendja është në “Niko Dovana” aty ku Partizani përballet me djemtë e Edi Martinit.

Edhe pse dy skuadra me objektiva të ndryshëm në kampionat, për secilën prej tyre detyrim janë vetëm 3 pikët. Bregdetarët duan të largohen nga zona e ftohtë ndërsa “demat” mbeten një nga ekipet pretendente për titullin.

Vllaznia ka një detyrë më të thjeshtë në letër përballë Bylisit që vetëm matematika e mban akoma në lojë për të qëndruar në elitën e futbollit. Të drejtuar nga trajneri Miloti, tek Vllaznia çështja më e përfolura është rikthimi i Liridon Latifit që pritet të jetë një nga pikat e forta në kampin shkodran. 

Në duelin tjetër të së shtunës, Kukësi përballet me Egnatian ndërsa dy ndeshjet e tjera do të luhen të dielën Tirana pret në Elbasan Erzenin ndërsa Kastrioti-Laçin.