BREAKING NEWS

Shëndetësia shqiptare promotore mediatike e koronavirusit që po ushtron terror mbi psiqikën e shqiptarëve nën regjinë e supernovës të Surrelit

Shëndetësia shqiptare promotore mediatike e koronavirusit që po
x

Sport

“Konspiracion zikaltër”, “Pirelli” sponsorizon ardhjen e Mesit tek Interi

“Konspiracion zikaltër”, “Pirelli” sponsorizon

Lionel Mesi po mban ditët e fundit një qëndrim “as mish e as peshk”. Kjo ndodh ngaqë ai nuk ka pranuar të firmosë për shpejt rinovimin e kontratës së tij me klubin e Barcelonës. Ky heztim, apo vonesë në rinovim, duket se ka nxitur aludimet për një largim të tij nga “Kamp Nou”, nisur dhe nga ofertat tepër joshëse në adresë të tij nga klubet e mëdha europiane. Në këtë listë të gjatë klubesh që e dëshirojnë është edhe Interi, që me sa duket ka një platformë të gjerë për ta sjellë argjentinasin në Milano. Jo vetëm Lautaro që do t’i kalojë Barçës, por shumë para do të jepen për “Pleshtin” nëse ai do të pranojë. Dhe për këtë duket se ka hyrë garant kompania e famshme “Pirelli”. Në fakt, mediat spanjolle pak ditë më parë e bënë fakt të kryer largimin e Lionel Mesit nga Barcelona në fund të këtij sezoni me yllin argjentinas që nuk ka pranuar rinovimin e kontratës me blaugranat dhe kërkon të largohet me parametër zero në verën e vitit të ardhshëm. Gjithsesi me disa deklarata të dhëna së fundmi presidenti i Barcelonës, Josep Maria Bartomeu theksoi se dëshira e Mesit është një dhe e vetme të mbyllë karrierën me Barcelonën. Por tashmë që gjithçka që është një rebus i vërtetë dhe ato që thuhen për të ardhmen e Mesit, janë kontradiktore, klubet e interesuara për të do ta bëjnë një tentativë dhe një prej ekipeve që interesohen për Mesin është edhe Interi. Klubi zikaltër e ëndërron prej kohësh 6-herë fituesin e Topit të Artë dhe për të bërë të lumtur të gjithë popullin zikaltër duke afruar një prej futbollistëve më të mirë të historisë, presidenti i Interit mund të ndihmohet edhe nga sponsori “Pirelli”. Marko Tronçeti Provera njeriu kyç i “Pirellit” për të plotësuar edhe një nga dëshirat e mëdha të ish-presidentit Moratit, atë për të parë Mesin të mbajë veshur fanellën zikaltër është gati të mbulojë një pjesë të pagës së majme të yllit argjentinas, vetëm e vetëm që Mesi të transferohet te Interi. Ndërkohë, përtej problemeve financiare, Barcelona do të tentojë të bëjë merkato cilësore. Objektivi më i madh është Lautaro Martinez, por ende nuk ka asnjë hap konkret për transferimin e yllit të Interit. Deri ditën e sotme në kontratën e Lautaros ekzistonte një klauzolë, që lejonte largimin e sulmuesit për shifrën e 111 milionë eurove. Kjo shumë nuk është e arritshme në para “CASH” nga Barcelona, prandaj nuk është ndërhyrë të operohet për shlyerjen e klauzolës. Klubi spanjoll do të tentojë të negociojë me Interin, duke përfshirë edhe lojtarë të ekipit blaugrana në operacion. Zikaltrit duan vetëm para në dorë, por këmbëngulja e lojtarit pritet të luajë një rol kyç. Mediet italiane raportojnë se Interi është gati të pranojë 90 milionë euro, plus një lojtar të Barcelonës për të liruar Lautaron nga kontrata. Presidenti Bartomeu do te vazhdojë tratativat për të sjellë sulmuesin në “Camp Nou” dhe drejtuesit janë të bindur se do arrijnë ta sjellin “El Toro” deri në tetor, kur edhe mbyllet merkato. Me atë që po ndodh me futbollin në Europë pas pandemisë, gjithçka është e mundur.